أختي أنا مافهمت عليك كيف ماوده يشوف أخواته نايمين أو لابسات بناطيل وكيف تحسينه يفكر في أخواته أختي ترى هاذا شئ كبير إللي تقولينه إذا كان زوجك يحس بإحساس تجاه أخواته كان ما أمرهم بمعروف ولانهاهم عن منكر وكان لبسهم للبنطلون والضيق والشفاف كان وسيلة للي قاعد يفكر فيه تجاه أخواته لاكن زوجك أشوفه العكس يعصب ويصرخ عليهم لو شافهم لابسين
بناطيل وشئ طبيعي إن الأخ يغار على أخواته وأتوقع إن غيرتك الزايده وكرهك لأهله ستوردك إلى حوض المهالك أولا ذولي أهله وربوه وتعبوا عليه ولهم فضل عليه أكثر منك بالذات أمه إللي تعبت عليه وأنا أتوقع لو تغيري طريقة تعاملك مع أهله وتحترمينهم وتبينين محبتك لهم وتحسسين زوجك بحبك لأهله وإحترامك لهم أتوقع إن وضعك وحياتك بتصير ناجحه أما إذا جلستي تقارنين وتحاسبين وأمك وأختك واهلك فعلوا كذا وقالوا كذا وليش تعطيهم كذا وتجيب لهم وأنا لا وأنت أهلك كل شئ بحياتك وأنا ولاشئ عندك ترى يا أختي الرجل يحس ويفهم ويحطها في باله لك وبيقول في نفسه
إذا ماصرح لك هاذي تحب نفسها وبس وتكره أهلي وماتبغاني أوصل أهلي أو أبر والديه وتبغاني أقاطعهم مثلا إذا زوجك قال لك أنا ما أحب أهلك لأنه فيهم كذا وكذا وش بتكون ردة فعلك تجاهه إذاقال أمك غيوره وتحشر نفسها بللي مايخصها وش بيكون ردة فعلك وإيش تحسين في نفسيتك من الداخل تجاه زوجك حبيبتي الزوج يمكن يقبل كل المساومات ويتنازل إلا المساومات على أهله هاذي صعبه ومستحيله وأنا في وجهة نظري إللي مافيه خير لأهله مافيه خير لغيره هل أنت ترضين زوجت ولدك تعاملكم بهاذي الطريقه أنت وبناتك في المستقبل بتقولي أنا ماراح أسوي مثل أم زوجي لا يحبيبتي مجرد ما إبنك يكبر وتشوفينه صار شاب وعريش وتزوج بتحسين بهاذا الإحساس مثل كل أم وشوفي ترى إذا عاملتي زوجك بماتمليه عليك الهواجس والأفكار المريبه تراك بتخربي بيتك وتدمري حياتك إكسبي أهل زوجك تكسبي زوجك لأن إذا أهتميتي بلأساس والجذور راح يصلح الساق والفروع ويصير لك مثل ماتبغين وأحسن وأهله كذلك بعد مايلاحظوا ويحسوا محبتك لهم وإهتمامك فيهم راح يتركونك بحالك أنت حاولي مجاراتهم في بعض الأمور وحاولي تراسلينهم بالهدايا وخلي لسانك ينقط عسل في مدحهم والثناء عليهم سمعيهم أحلى الكلام بالذات أمه وأبوه غيري نظرتهم تجاهك أكسبي ثقتهم فيك خلي كلامك مع أم زوجك دائما يبتدي با الله يحفظك ياخاله الله يخليك لنا والله يطول بعمرك ياسعد أولادي عندهم جده مثلك وبذوقك وبطيبتك الله لايحرمني ما هالوجه الصبوح إللي أنجبت خيرة الرجال وتعبت وربت لي هالزوج الطيب والخلوق طبعا قدام زوجك وأهم شئ إنك تقولين هلكلام بصدق مشاعر وإخلاص في القول أما إذا تصنعتي هالسوالف فمصير التزيف يظهر والقناع ينكشف لازم نكون صادقين مع الله ومع أنفسنا حتى يصدقنا من حولنا أختي أسأل الله لك التوفيق والسداد وصلاح أمورك
كلها .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله