ستوب ستوب لاتقفلون أنا جيت
الأخت صابره وشيخة البنات ولجميع الأخوات كيف حالكم والله إني أشتقت لكم وماردني إلا عيالى مرضانين كلهم نزلات برد صار عندنا أمطار وطلعنا فيها بالبر ومن رجعت إلا وأنا بحوسه هاذا مغص وذا إلتهاب وذا يكح وذا عنده كتمه ومانقول إلا بالله المستعان نرجع لأختناالغاليه صابرة خير إن شاء الله ياأختي إيش صاير لك ليش هاذا القلق وتوتر الأعصاب بسبب أضغاث أحلام شوفي ياحبيبتي كل هاذا إللي يجيك من أحلام ووساوس من الشيطان أعوذ بالله منه وإذا ماقاومتي وقدرتي تسيطرين على مثل هالأحلام والوساوس تراك بتخسري كثير وأولهم أهلك وزوجك وآخرهم من هم حولك وإذا إستمريتي في تصديق مثل هالأوهام نعم هاذي أوهام مو أحلام لأن الأوهام هي إللي الشيطان يستغل الناس عن طريقها وأنت حاربتي أسلوب العصبيه والنرفزه وقدرتي تتغيري للأفضل بفضل الله وفضل من هم إخوانك وأخواتك في هاذا المنتدى والحين الشيطان لف عليك من طريق آخر ويبغى يستدرجك بهاذا الشكل ويوهمك ويشكك في من حولك بإتجاه نهج جديد في آلاعيبه عليك وأنا هنا أقول لك ياصابره أرجوك لاتجعلي لشيطان مدخل عليك لأنه لوتمكن منك بيدمرك ويهلكك أرجوك وقت ماتجيك مثل هلأحلام على طول قومي توضأي وصلي وأقرأي القرآن الكريم حتى تهدأ نفسيتك لأنك بكذا تقهرينه وتنفرينه أحرقيه بذكر الله وقبل لاتنامي أقرئي أذكار النوم وآية الكرسي سبع مرات والفاتحه والمعوذات والإخلاص ثلاث مرات وأجمعي يديك وأنفثي فيهما ثلاث مرات وأمسحي بهما ماأستطعت من جسمك ولاتنسين نفض الفراش إنفضي فراشك قبل ماتنامي لاتقولي مافيه شئ رسولنا الكريم ما أوصى بنفظ الفراش إلا لفائدة في ذلك أختي الغاليه خلي عندك إراده وثقه بنفسك وزوجك زوجك إنسان مسلم ويخاف الله وترى مو زوجك يناظر كل الرجال تناظر إلا مارحم الله ونظره تختلف عن نظره أنت شايفه بعينك الفساد اليوم في كل مكان وحتى إحنا يالحريم نجلس نناظر هالحريم من هول مانشوفه ومافيه أحد يزكي أحد على الله أنا كزوجه أحيانا أطلع مع رجالي واجلس أراقبه وأشوف هو يطالع بالحريم وإلا لا أحيانا تصير منه بعض النظرات الغير مقصوده وأجلس أحاسبه وأعاقبه رغم إنه ماعمري شفته يتمعن أو يطيل النظر أو يركز على حرمه معينه لاوالله يناظر نظرات عابره وأحيانا يقول لي بنفسه شوفي هاذي كيف لابسه شوفي هاذي كيف متهاونه في حجابها لدرجة مره كنا في المستشفى وصار قريب الكلام هاذا الأسبوع إللي فات أنا كنت بقسم الحريم وهو جالس بقسم الرجال وطريق قسم النساء من عند إستراحة الرجال قال لي مرت حرمه من قدامنا وكان معهازوجها ويحلف زوجي يقول أقسم بالله مابقى أحد بالإستراحه إلا وقام يطالع للحرمه هاذي يقول لابسه مخصر وحاطه ظل وحاطه لثمه وعطرهاواصل شمينا ريحته قبل ماتدخل وكعب والعبايه لابستها ضيقه والحرمه مليانه ويقول أقسم بالله إني أستحيت وحسيت كأنها من محارمي يوم شفت الرجال تناظرها كلها وزوجها مايدري الله وين حاطه إلا متفشخر فيها
قال زوجي كان نفسي أمسك زوجها وأصفقه تصفيق حتى يصحصح زين بس والله إني أستحيت من الناس إللي حولنا قلت له كان صفقته ترى ماعندي شاش وكمادات زياده يألله أقوم بعيالي ماناقصني أنت أمرضك زياد ههههههههههه
شوفي أنت هدي نفسك وأنسي ماحلمتي فيه ولاتفكرين في مثل هالسوالف ترى بعض النظرات عفويه مالها أي معنى
وأنا الحين طالعه لوماقفلو الموضوع لي رجعه إن شاء الله

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله