حبيبتي صابرة
مقدرة إحساسج وعارفة شعوورج
ياعمري كل من قسى عليج بقصد طبعا يوعيج
وكل من له أسلووبه يالغاالية
شووفي آنا ما أبيح ألحين تقعدين وايد تذكرين اللي صار أمس
والحلم اللي صار قبل أمس
ياعمري
مثل ما قلت لج
الشي أو بالأحرى الحوادث اللي تصير بالأمس
أبيج قدر الإمكان تنسيها
تجين تقولينها و تفضفضي فيها
لكن بمجرد تسمعين ردود الأخوات وتفاعلهم وياااااج
خلاص
تدريجيا ينتهي الموضوع
ياقلبي
والله أزعل وأتضايق يوم أشوفج زعلانة ومتضايقة
وأفرح واااااااايد يوم أشوفج مبتسمة
ياعمري انتي مثل النسمة تنجرح بسهوولة
بس بنفس الووقت تتداوى بعد
تتعب وتصحى من جديد
تطيح وترجع تقووم أقوى
مهما يكوون ياعمري
يبقى هذا حلم وما يمت للواقع بصلة
بس لأن ظروفج والوضع اللي كنتي فيه
وكثرة الحلم وتعدده ومثل ما قلتي أسلوب زوجج المستفز أحيانا
يخليج رغم عنج تسوين أي شي
مع انتي عالمة ودارية إن هذا غلط وانتي ما تبين تسووينه
لكن نفسج تجبرج
آنا هني أدش على الخط و أقولج
لا انتي جبريها
انتي علميها
انتي انتصري عليها
لا تخلين أي شي يهزمج وياضيقج ويزعجج
آنا عن نفسي دووم أحلم بأشيا مزعجة
ومع ناس أحبهم و أغليهم
تلاقيني أصحى من النووم وآنا خايفة وايد
وصورة الحلم ما تفارقني
وطيلة النهار أظل متضايقة وأبجي
لكني بعدها أجلس بمكان هاديء ف برووحي
وأتم أفكر
شنو هذا حلـــــم
مهما تكرر ومهما صار يبيقى حلم
يعني حتى لو كان إشارة لشي
آنا على شنو أقعد أضايق عمري وأتعب نفسيتي
وأبدأ أرمي كلام جارح على الآخرين
ربما ينسونه وربما يظل ف بالهم
لما ألاقي روحي منقهرة حدي
أسوي شي يبعد القهر والضيق
أقرأ قراءن
أدش النت وأقرا قصص ناس وأحس بالنعمة وأقول الحمدلله على كل حال
أدور لي شخص قريب مني وايد
وأقعد أسولف معاه
أدق على صديقاتي
أو أدرس
ليما يتلاشى مني هالشي
فيا صابرة يا قلبي
ما أبي شي يدمرج
انتي لفترة وقفتي من جديد
وخلقتي صابرة ثانية جديدة
ماأبيج ترجعين تطيحينها
ما أبيج ترجعين لأي شي ماضي
دوووم فكري باللي جاي
فكري وحطي ف بالج وقولي
الجاي أحلى واحلى
فكري بالوقت اللي بقى وبتردين فيه لزوجج الغالي
فكري وش بتسوين
وش تخططين له
فكري بوايد أمووور تشغلج ياعمري
وصدقيني مع مرور الووقت بيتلاشى هالشي
ويروح
لأن مخج بيكوون مشغوول ومب فاضي للتفكير
ياعمري قلبي ويااااااااج
ودعائي لج ما ينقطع
وقوولي كل اللي بخاطرج وبقلبج
ولا تخبين شي
احنا معااااااااج
أم سلطان وحشتنااااااااااا وايد
ما أدري وينهاااا بعد عمري
طولت غيبتها
جعلها بخير وعااااااااافية وصحة دووووم
جايتج أم سلطان بالخير والكلام الطيب والعذب
أدري كلامها يريحج ويطيب خاطرج ويسعدج
إنشاءالله تجي وتخفف عنج
كلامها مثل البلسم على الجرح
ربي يحفظهاااااااااا
أحبج ياصابرة .. وواااااااااااااااايد
مع حبي
__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )