[QUOTE=احلاهم واتحداكم;2547908]أكبر غلط لما الزوجة تشتكي لزوجها من أمه

حتى لو كانت الأم غلطانة.. يعني هو في نفسه يقول: يعني وش تبيني أسوي لها
أوقفها عند حدها مثلاً!!!!!!!!

الزوجة مهما كان الحق معاها واشتكت لزوجها من أمه راح يصير في خاطر الزوج.. لانه مابيده شي..

بقولك موقف صار لي-

انا ام زوجي عسل عسل عسل أتعب وأقول عسل.. ((لكن لابد يصير مواقف...لكن مستحيل زوجي يعرف أي شي))

المهم..
مرة من المرات كان زوجي موموجود , وأنا كنت أتكلم مع أم زوجي بالتليفون..
وتكلمنا في موضوع وصار شوي في نقاش بعدين بدت تهاجمني وتغلطني أنا بديت أخفف من حدة النقاش.. وقلت لها

صح الحق معاك .. ويمكن صح انا غلطانة بس ماكنت قاصدة.. ولو أنا مكانك كان كلامي ونظرتي مثلك !!!
طبعا هذا كله عشان بسكر الموضوع .. وطبعا كان الحق معاي مليون بالمية ..

وخلاص غيرنا الموضوع وبعدين انتهت المكالمة بس حسيتها تغيرت نبرة صوتها معاي..

عادي..
رجع زوجي .. وطبع زوجي هاااااااادي جدا.. ماعمره سالني وش سويتي أو كيف يومك لازم أنا من حالي ابربر على راسة..

المهم..
يوم دخل علي زوجي كان متغير
بس يعني مرتبك يبي يشوفني انا فيني شي او لأ!!!

قام يسالني وش سويتي اليوم؟؟ وش عندك برنامج؟؟ اليوم كلمتي احد؟؟
طبعا وانا كنت طبيعية معاه وأضحك واسولف ولا فيني شي..

قالي كأنك من زمان ماكلمتي أمي!!!!!
قلت : أنا اللي من زمان ما كلمتها..ليش انت تدري أنا اكلم مين او ما أكلم مين؟؟
أصلا ولا يوم يعدي علي إلا وأنا لازم أكلم( أمي وأمك وجدتي)..
قال طيب انتي اليوم كلمتي أمي؟؟
قلت له : اي..
قال شخبارها؟
قلت له طيبه ..
قال : وش سولفتوا..
قلت له كل السوالف اللي سولفناها ماعدا النقاش اللي صار بيني وبينها ماجبت سيرته..
قال طيب ماتكلمتوا عن شي مهم أو سالفه صارت؟؟

وهو يحاول يوصل لشي ..بس موعارف شلون

قلت له شفيك اليوم موطبيعي انت شنو صاير لك؟؟

قالي : ولا شي بس أحس اني احبك ومشتاق لك.. ماودك نطلع مع بعض؟؟

طبعا أنا مستغربة اسلوبه معاي.. ( طبعا هوحبوب وكريم واخلاقه عاليه ويحبني) بس موعادة يهتم فيني فجاة..

المهم قلت له إلا ودي أطلع:14:

قالي يلا مشينا.. وطلعنا وطول الطريق وهو ماسك يدي ويبوسها ويقول انا احبك لو أدور الدنيا كلها ما القى مثلك.
الناس دايم يتكلمون عن المشاكل والنكد..سبحان الله اللي ربي عطاني وحدة مثلك.
ماعمري سمعت منك غير سالفة تضحك أو نقاش هادف .. أو موضوع مهم..
ياشيخة الله لايحرمني منك..

طبعا انا مستغربه

بس أتصور أنه عرف اللي صار بيني وبينها .. وعرف اني ماراح أتكلم باللي صار..
فيمكن هذا السبب اللي خلاني أكبر بعينه..

[/QUOTE
صراحة احلاهم واتحداهم اسم على مسمى ماخليتيلي مانقول عساني اتعلم منك

ماشاء الله عليك وعلى زوجك والله يخليكم لبعض على طول

__________________
[img]http://im9.***********/2011-08-29/1314659490971.gif[/img]
اللهم اكتب لنا حجة او عمرة يارب