أعوذ بالله من غضب الله أخوي وباقي كمان بعدماعرفتها تدق عليهابعد أنت صاحي ياخوي ولا منت بصاحي أنت الموت بعينه الحمو الموت الحين لو إشتكت لزوجها وعلمته عنك وقلبت السالفه عليك وش بيكون موقفك عند أخوك وأهلك وبين الناس وترى الحرمه
هاذي مادقت عليك إلا إنها عارفه إن وضعك أنت وزوجتك فيه هشاشه وتبغى تزيد النار حطب وبتخرب بيتك أنت من الأفضل إنك تبعد عنها نهائيا وغير جوالك وأهتم بزوجتك وبيتك هاذا شئ مايبغى له سؤال ولو أزعجتك هددها قول لها تراني بدق على أخوي وأقوله عن حركاتك ولوعندك رسايل لها هددها فيها بأنك راح تفضحها ياخوي عجل وخارج نفسك قبل لايقع عين زوجتك على رقمها أو رسايلها وتعرفه وتصير لك فضيحه عند أهلك وجرح لزوجتك مايندمل وكل مازوجتك تشوفها أو تجتمع فيها بتصير فضائح وبلاوي وكلهاعلى راسك أنت كيف بتكون صورتك بين أهلك حتى لوكانت هي الباديه المفروض أنت ماتسايرها حتى لو ماكانت زوجة أخوك وأنتبه الشيطان لايلعب عليك وتستمر على هاذا الطريق تراه طريق مظلم وأتقي الله في نفسك وأهل بيتك وأتقي الله في عرض أخوك إبن أمك وأبوك هاذا أخوك من لحمك ودمك وين المرؤه والشهامه إللي فيك والوفاء لزوجتك أم عيالك يا أخي كل الأزواج عندهم هموم ومشاكل بس يستعينوا بالله عليها حتى لو أتصلت عليك بنت ليش تفتح معاها الطريق وتاخذوتعطي معاها تفضح أسرار بيتك
لإنسانه غريبه عنك بدل ماتفتح قلبك لزوجتك وتصلح أمورك هداك الله وأصلحك وغفر لك وسامحك على ما أقترفته في حق نفسك وحق زوجتك .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله