.......... كلام صاحب الموضوع ولوكان غير كلمة إن شاء الله تحبط أعمالهم أنا والله بصراحه أول ما قرأتها حسيتها دعوه على الحريم إللي رافضين التعدد وأنا قلت في أول رد لي للأخ صاحب الموضوع إن هاذي الكلمه مالها داعي أبد وعن سالفة الغيره بين الزوجات أنا أعرف إن الغيره تورث الكراهيه حتى بين الأطفال وهم إخوان كيف تغار وما تكره يا إخواني الرجال المرأة إحساسها عظيم وقهرها وجرحها يصعب علاجه وبعض النساء ماتحتمل وماتصبروتتهور ماتقدر تسيطر على أعصابها وكلنا نذكر سالفة الحرمه إللي أحرقت الخيمه في عرس طليقها وهاذا وهو طليقها وش كانت بتسوي لوكان باقي متزوجها وحنا عندنا بديرتنافيه حرمة تزوج عليها زوجها وفي ليلة عرسه أحرقت سيارته جديده مالها أسبوع مطلعها من الوكاله قيمتها فوف مئة وستين ألف ريال أحرقتها خلتها هيكل خلاص وقام طلقها وقالت له بعد زين إنك طلقت وإلا كان اليلة الثانيه أنت وعروستك أخليكم رماد تندفن مع سيارتك أنت وياها وهي عندها سبعه عيال يعني فيه نساء مثل العواصف العاتيات خلاص تنسى حلال حرام الشرع خلاص تجتاحها نوبة غضب شديده وماعاد تحتمل ولاتصبر وتأدي بالضرر أولا لنفسها وثانيا لأولادها وبيتها.
إخواني أخواتي خلوا النجره ودوروا للأخ حل الرجال الظاهر مله وطلع وحنا جالسين نشد الحبل بين بعضنا والرجل ما أستفاد شئ وأنا بقول له حلول الحين وإن شاء الله تفيده
أولا خلها ولاتطلقها
ثانيا أصبر وتحملها هي مازالت مجروحه من طلاقك لها
ثالثا لاتستفزها بشئ ولاتذكرها
بالماضي وتقول لها أنت لو كان طاوعتيني وكان وكان ماصار إللي صار
رابعا أنتبه تقارن في مابين زوجاتك يعني لاتجي عند هاذي وتقول هاذيك سوت وهاذيك فعلت ليش أنتي مومثلها لأن هنا النفسيات والأساليب تختلف عن بعض
خامسا سكن كل واحده منهم في منزل لوحدها حتى تتفادى الصدام والمشاكل في ما بينهم سادسا عيش عند كل واحده منهم يومها وحسسها إنك تحبها هي الأكثر ومشها وفسحها وعيش يومك عندها وكأن لاتوجدلك زوجه سواها وإذا حصل وجابت لك واحده منهن
طاري الزوجه الأخرى قول لها أنا عندك الآن وليس لي دخل فيها ولا أريد شئ يذكرني فيها فخلينا نعيش يومنا بلامنغصات وأعتذرها بأسلوب لبق
سابعا وأخيرا تذكر أخي إن الخيل من خيالها والمرأة من رجالها وأنت إذا مسكت العصا من النصف وتحكمت فيها فإن حياتك بإذن الله ستكون ناجحه بشرط أن تكون عادلا بمايرضي الله بين زوجاتك ويتسم تعاملك معاهم بالأمانه والإخلاص لرضاء الله تعالى
أسأل الله أن يصلح لك زوجاتك وأن يجعلهم قرة عين لك ويحفظك لهم ولأولاك ويجعلك خير رجل لزوجاتك .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله