جزيتم خيرا اخواتي على الرد,,
ويا اختي روح الطير ,,وماريا,, والله ان موضوع الصلاة مؤرقني ونصحته كثير ودعيت له كثير بس بدون فايدة لدرجه اني سألت شيخ وقالي للاسف مايجوز انك تقعدين معه,,ولازم تقولي لاهلك واهله,,واخبرت ابي بالموضوع وتفاجأ جدا,,وقالي انتظري وادعي ربك ,,قلت له يا أبي حتى الجمعه مايصليها اقومه من النوم وما يقوم ,,واذا قام قال راحت علي نومه,,وانا ادري انه مايبي يصلي,,قالي ابوي خلاص اذا جاء الجمعه دقي على امر عليكم واروح الصلاة معه اكيد بيروح وينحرج مني,,بس للاسف ابوي حاليا مسافر للشغل واحسه نسى موضوعي ,,واذا على اهله كلهم من صغيرهم لكبيرهم يدرون انه ما يصلي,,بس شيسوون,
وانا اقوله الصلاة هي اللي بيننا وبين الكفار يقولي احسن قولي اني كافر,,قلت والله ما ادري الله اعلم بحالك,,
ومرة من المرات بكيت منها كثير وهي اني قعدت اراقبة هو صلى الفجر ولا لا,,وما صلى وكنت متأكدة وقعدت وواجهته وقالي والله اني صليت قلت وين قال بالغرفة قلت انا من اليوم مراقبتك وماصليت ,,عندها انحرج وحاول يغطي على فعلته وقام يهاوشني ,,ويقولي مالك حق تراقبيني و من هالكلام,,وبعدين قالي عطيني سجادة بيصلي يسكتني بس,,هنا بكيت قلت يعني كم مرة كذب وصدق طلع ما يصلي ,,شلون قلبه يطاوعه ,,وشلون ما يخاف من الموت,,لاحول ولا قوة الا بالله,,
اذا على الطلاق احس صار مو فارقه معي ,,لاني متأكدة انه ماراح يصلي لانه بالثلاثين ولا الحين ما عقل,,وتصرفاته تصرفات واحد مريض,,ما انكر انه فيه صفات حلوة بس بنفس الوقت فيه صفات شينة,,