هلا ذكريات حبيبتي
من الصباح ابغى أكلمك ماقدرت
عندنا ضيوف وكلش ماقدر أخذ راحتي
أعذروني عن التأخير
ذكريات بقولك شيء وأنتي أكثر الناس فاهمتني ولايهون الجميع
ذكريات لمن تحسي انك قاعدة تسوي مجهود أي كان سواء مظهرك كشختك أي شيء
مو مسألة مقابل بس عالاقل يحسسك هالرجال انك أنجزتي
يعتبر كل شيء عادي وان كل حرمة تسوي وتحب وتخضع كأنه شيء اجباري وواجب
طيب في رجال يشتكون من حريمهم وأقلها يقول زوجتي ما تعطيني حقي الشرعي زوجي ما تلبس ماتسوي
صدقيني أحس باحباط
أبا منه بس الكلمة الطيبة تشجعني
والله ياذكريات ماقولك اني ملكة جمال بس كانت عندي ثقة بنفسي جبارة وكنت واثقة من قدراتي
أحس اني فقدتها وفقدت كل احساس حلو بداخلي
يمكني حساسة يمكن اطلب حنان وحب زود عن باقي النساء _ بس غضب عني أحبه واباه هو يعطيني
مثلا وقت النوم أقوله بس حاول تحضني لين يجيني النوم
أبيه يحتويني ياذكريات أرجوك افهميني
والله يمكن أروح بس المطبخ أجيب مويا أحصله دخل بسابع نومة
مسافة متر بينا بالسرير
في اشياء يمكن تافهة عنده أو عند غيري بس عندي تعنيلي الكثير
ومع هذا قلت له ياحبيبي أباك تحس فيني ترى الأمور لي تعتبرها فروع جزئيات أنا اعتبرها جزء كبير من حياتي
أروح كوافير بالأسبوع ? مرات تخيلي كل مرة وش أسوي له لدرجة هو يضايق من روحتي
يقول انتي ماعندك سألفة غير ذا الشئ
أقوله عشانك أبيك تشوفني حلوة
والله ولا كلمة مجاملة منه ! والحمد الله ماني شينة
بس أحيانا أطالع بوجهي أقول في شيء بزوجي ماهو عاجبه !
صرت أدق ع أمي أقولها يمه أنا حلوة ؟ تقولي تجننين »» القرد بعين أمه غزال
مرة أمي قدام زوجي تقول طالعي وجهك بالمرأيا لأنه اشتكى لها اننا رحنا مكان مختلط ومعنته انه يطالع
كان في بنات وماحبيت يرفع عيونه
تقولي أمي ليش تخنقينه ؟ قلت والله مإودي زوجي تطالع عيونه بتبرج وقلة حيا
أدق ع صديقتي أقوله يأم فلأن أنا حلوة ؟ تقول والله تجننين
طيب. أنا كنت أعرف انه لي قبول بين الناس والحمد الله ع حسن الخلقة
ليش زوجي مايمدحني ولا ع الأقل لا تانقت له ولبست يجتمل حتى أعطي وازيد بعطائي
مع العلم اني امدحه واثني عليه والله أحسسه انه ملك زمانه
بس من مالقى منه تجاوب ومع أول مشكلة انقلب شرسة أبي أهد كل شيء حولي
كل هالعوامل وغير الطلاق هدوا حيلي وافقدوني الثقة بنفسي
يوم مرض ياذكريات راح بيته الثاني وكان يومي
قلت ليه ماتمرض في بيتي تشوف اني مقدر اتحمل مرضك ؟
قال: كنت تعبان حيل. وأنتي ماراح تتحملين. ! !
قلت هي تحملتك وأنا لا وش لي خلاك تحكم جربت !
قلت له والله لو تشوف اين مقدر اتحملك يوم تمرض فتاكد اني ماستحق أكون زوجتك
والمصيبة ياذكريات يمكن لو بس صكه رأسه تنزل دمعتي واحن عليه
معقولة هالرجال مو قادر يستوعب اني ممكن أخذمه يعيوني
وقلت. له والله لاقدر الله مت وأنا ع دمتك ماراح اتزوج
وأنا وربي صادقة عبرت له عن كل ما أملك
حسيت ولأول مرة بحياتي أعطي بلا حدود
من نتخاصم أجي أصالحه زي المجنونة مايهون علي أنام وهو مخاصمني
أقول وش معنى هو يقدر وأنا لا؟
عشان. عنده زوجة غيري ؟ وعشان أنا ماعندي إلا هو ؟


والله ياذكريات رجعت له اخر مرة منهارة لظروف زواج والدتي
أمي حبيبتي نبض قلبي طول عمرها كانت لي وفجأة ما أصبحت لي
وهو كان عارف اني أمر بظروف تغير حياة أهلي
وأخذت قرار وقلت أنا بروح عند زوجي مالي إلا هو بعيش عشانه
رحت له وأنا كلي حطام وبقايا انسان كنت أبيه يضمني صمة عقبها الموت
قام أول. ماتهاوشنا قال كلك مشاكل ! صارت ظروف أهلي مغاير
الحين أمي رجعت لي وصرت أنام معها بعرفتها زي أول
بس وينه زوجي كنت أبيه لي الأب لي انحرمت حنانه
أبيه الأم لي ماشبعت ضمتها لأمر الظروف
كنت أبيه الأخ لي فقدته
أبيه العشيق إلي طول عمري تمنيته
صح هو مو مجبر يلعب معي كل الأدوار بس بالاخير هو زووجي وأقرب لي من أي أحد
سامحيني بس ..

__________________