صابره ممكن تتكلمين إذا ما يضايقك كيف خطبك زوجك الحالي؟
خطبني عن طريق ناس يعرفونا ويعرفونهم
هو الي سعى للزواج والا برغبتكم انتم الاثنين..
طبعا انا كنت ابي اتزوج وهو كذالك كان يبحث بس هو الي سعى اكيد في البداية
على أي أساس وافقتي وجيتي والبيت لسى ما جهز..على أي أساس حكمتي على دينه؟[/B]
طبعا الناس الي يعرفونهم قالو انهم عائلة متدينة وهذا ما لاحظتها في امه وخواته وكلهم الحمد الله
وكنا نتكلم ايام الخطوبة جوال يسال عني واكثر شى على المسنجر
وخليته يمر بمطبات بس نجح فيها
يعني حاولت ادخل عليه بكذا ايميل حركات ماقدرت
هو جهز لي بيت باول الجزواج يعني مو جهاز كامل بس ماعجبني البيت وقلت مابي اسكن فيه
وتركناه
أقمتي حفل والا كان كل شئ بسيط؟
كان حفل عائلي وكنت حريصة على بس المقربين من اهلي الي يعرفون
كنت خايفة لا اطلق ويعرفون الناس بزواجي الثاني ويقلون تطلقت رغم انه مالي ذنب بطلاقي الاول
بس الاول كذب علي بشى صعب اسامحه عليه عقمه واصلا ليش الوحدة تتزوج مو عشان تجيب عيال
تزوجنا بسرعة البرق وكل شى تم بسرعة
بس ماقدرت احبه في البداية تعبت تعبت وكنت ابكي
وبعدين قررت الانفصال قلت له الظاهر ماراح نفهم بعض لاني حسيته بعيد عن شخصيتي وافكارنا متباعدة
قالي اسويلك تحليل دم اول شى اشوف حامل ولا لا
كنت ادعي الله من قلبي اني ماكون حامل
وفعلا طلعت النتائج بدون حمل وقلت له لا تزعل مني وربي يعوضك وماحبيت اقوله اني ماقدرت احبه
بس كان من الصعب علي اعيش معه وانا ماكنت اتقبله خفت اظلمه
وكنت اتهرب من الجماع لدرجة جسلنا شهر مالمسني
المهم هو دق على اهلي وقالهم بنتكم تبي طلاق وانا ابغاها بس هي ماتبيني
دقت علي امي تلوم وتعتب علي قالت عيب وحرام عليك
المهم انا قررت الانفصال قلت احسن من اني اظلمه
جلست ابكي واقيم الليل قلت يارب انت تعلم ان قلبي مو بيدي يارب اللف بين قلبي وقلبه او اجعل فراقي عليه بردا وسلاما ..كنت احسه يحبني كثير وتعلق فيني
سبحان الله يا ذكريات الفجر دقيت عليه وقلت له تعال عندي انا خايفة لوحدي
نزلت دمعته وقدرت ايش معنى دمعة رجل وكبر بعيني
قلت وش ابغى من هالدنيا زوج يحبني ويموت فيني ونزلت دمعته عشاني
انفتح قلبي له بالتدريج وصررررررررررررت بالاخير اموت فيه

كيف كرمه معاك أيام الخطوبه والزواج؟
كان يلبي لي كل طلباتي وماكان نقصر ويطلعني ويفسحني ان شاء الله اقوله روح الربع الخالي يقولي ابشري
الحقيقة كنت رغم انه ماكان حب في البداية بس كنت مستمتعة معه بالطلعات
ايش كان هدفه من الزواج؟
مدري سالته قال ابغى اجيب اولاد كثير وزوجته الاولى وفت وكفت
ويحتاج ...مدري
هل خطب قبلك؟
نعم خطب وحدة
ويقول تركها عشان انفتاحية وتكشف وجهها
على حسب كلامه هو
ويقول لمن يرروح لهم البيت تجلسه مع بنات خالته
وعلى هذا السبب انفسخت الخطوبة
والله اعلم

__________________