اقتباس:
المشاركة الأصلية كتبت بواسطة همس 2009
شوف البلاستيشن لااخفيك خي والله
جربته مره وانا عند اهلي مع اخواني الصغار
شيء لكن يشغل وربي
والحمد لله ببيت الزوجيه ماعندي
ومافكرت اجيبه لانه يشغل وربي
ومو فاضيه يكفيني ولدي ....
لكن الحل بنظري
تكون حازم
وابعطيك حل بنظري بينفع
اكيد انت مقسم اوقاتك بين الزوجتين صح
اكيد
فليله اللي انت عند زوجتك ال2 قول لها مافي بلاستيشن !
اليوم اللي اروح فيه لزوجتي (1) هذا لك العبي زي ماتبين .....
يعني
اليوم اللي انت عند زوجتك الاولى هي تلعب فيه مثل ماتبي .....
لكن
اليوم اللي انت تكون عندها فيه مافي ولا تشوفه
وحط عقاب ع ذلك
طبعا اتفق معها
قول مايصلح كل يوم لعب انا ابيك ؟!
يوم كذا ويوم كذا .......
وهي اذا تحبك مابتمانع ابد .
|
أحسنت ياهموسه كلامك عين العقل لأنه ماينفع يقيد حريتها
وقت مايكون موعندها يخليهاتتسلى وقت جلوسه عند زوجته الأولى وبصراحه أنا شخصيا أم لخمسه أطفال
والعب مع عيالي بلستيشن وكوره وسباق بس مولدرجة إهمال بيتي وعيالي يعني وقت الإجازات كمان وقت غياب زوجي أحيانا يداوم 24ساعه مناوب في عمله يعتبر يوم إجازه عندي أنا وعيالي نلعب حتى نفجر المحول حق البلاي ستيشن ولوطفشنا قمنا لعبنا كوره
وأحيانا يكون زوجي موجود يشاركنا في لعب الكوره بس كل أسبوع نغير أقل شئ مصباحين لمبات الكهرباء إللي بالسقف تصير حائط صد للكرات العاليه
والحمدالله لاضيقت خلق ولاشئ وش بناخذ من الدنيا لو رحلنا عنها غير أعمالنا
الواحد يوسع صدره ويتونس مع عياله
لايقول عيب كبرنا ماحنا بزارين والأطفال لما أبائهم وأمهاتهم يشاركوهم في ألعابهم ينبسطون واجد بس بدون إهمال لا لزوج أو بيت أو عيال أو مذاكرات العيال كل شئ بحدوده وأخيرا يارب يوفقك ياهمس في إختباراتك وإن شاءالله يارب إنك تجيبي الدرجه كامله في كل المواد إللي عليك إختبارها يارب يسر أمرها وأشرح صدرها وأحلل عقدة من لسانها وأنر بصيرتها يارب .