أول شي مساء الورد عليج حبيبتي صابرة
المعذرة يمكن تطفلت وتدخلت ورديت على موضوعج
وانتي كاتبة بالنص ان ما تبين غير اللي متعودة عليهم
بس آنا من زمان أتابع مواضيعج
و يمكن من يومين بس اشتركت
فحبيت أرد فاعذريني غاليتي
أول شي الله يحفظج لزوجج ويحفظ زوجج لج
الشي الثاني يعني أجهل حقيقة السبب اللي خلاه ما يخبرج عن سفره وخصوصا المسافة مب هينة
بس أقوول ربما ما حب يخليج تقلقين عليه و لو إن هذا مو مبرر كافي
أو يمكن لأنه كان في عجلة من أمره و مسافر عشان يقضي شغلة مهمة و يرجع وما حب يشغلك
وهمن هذا مش مبرر !!!
آنا قاعدة مجرد أتوقع و أخمن يعني
ولكن الأجدر به إنه يعطيج خبر على الأقل إن آنا بسافر هالمنطقة الفلانية
على أساس انتي ما تحاتين
ولا تنصدمين لين عرفتي إنه مسافر بدون علمك
بس إجمالا المرة هذه عدت ألحين وما ينفع العتاب
بس شي ثاني ينفع
قولي له حبيبي آنا أحبك وأخاف عليك يا ريت إنك تخبرني مرة ثانية لو بتسافر
عشان ما أحاتيك وما أنصدم مرة وحدة إنك مسافر وآنا ما ادري
و عشان أكوون متطمنة عليك
ختامااا الله يوفقكم ويهديكم لبعض ويخليكم مع بعض طوول العمر
ويرزقكم الذرية الصالحة قاااادر يا كريــم
ومسامحة مرة ثانية حبووبة
__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )