المشاركة الأصلية كتبت بواسطة بنت الحكمي

الأخت الغاليه نبض طولي بالك ترى هاذا أسلوب عن أغلب الرجال ملولين جدا مايحبوا الإنتظار ولو تأخرتي يعصب أنا زوجي يعصب بس مو ذاك الزود أنا يوم إنوي أطلع مشوار وحده من الثنتين يا إني أمسكه عندي بالبيت ما أخليه يروح لسياره إلا وأنا معاه أو إنه يروح قدامي
ويجلس بسياره وهاتك يابواري كل الشارع يدرون إن أنا وزوجي طالعين كأنه يوم عيد وطني أنا صراحه أطنش يتصل جوال ما أردعندي عيالي ثلاثه أولاد
كبار شوي كل خمس دقايق يرسل واحد أمي أبوي يقول يالله بسرعه وشوي وجا الثاني وشوي الثالث آخر شئ أقوله قل لبوك ماني نازله حتى أجهز نفسي وبناتي والله إن الواحد يقهرك هو ماعليه شئ يلبس ثوبه وشماغه وحط عقاله على راسه ونزل ركب سيارته وجالس بيب بيب على راسي والله إني أخليه صح ما أركب السياره إلا وهو فل عليه لاكن أخليه يهذري يهذري إلين يخلص وبعدمايخلص أقوله خلصت يقول إيه أقوله خلص حرك السياره خلنا نمشي بس إذا زودها حبتين أ كتم ما أسولف معاه وهو يحس فيه ويرجع يعتذرمني والحين صارالوضع عنده عادي تأخرت ماتأخرت ماتفرق معاه صح يدق بوري يرسل العيال يزعجني بالجوال بس علشان يبغاني أتحرك وصرت أنا إللي أتنرفزمن حركاته ومره أزعجني إزعاج لدرجة إني نزلت عباتي لبستها مقلوبه ومره أقسم بالله إني من كثر دقدقت الجوال يدق ويقفل والله وأنت بكرامه والسامعين نسيت ونزلت بنعال الحمام وماشفتها ولاحسيت فيها بس الحمدالله كنا كاشتين للبر ولما نزلت من السياره شافها وجالس يعلق ويضحك وعيالي أستغربوا أمي ليش طالعه في نعال الحمام عاد أنا قمت أرقع قلت تسهل
المشي في البر أرتاح فيها أكثر وفي قلبي أقول الله يسامح أبوك وجواله إللي أزعجني أحيانا وقت الإزعاج ماتدري وش تشيل وإيش تخلي والله ياهي حوسه
شوفي هو أهم شئ مايقول كلام جارح لك أو يتلفظ بلفظ مو مناسب عليك أما إذا كان يقول ليش تأخرتي أنتي ماتهتمين ليش ماجهزتي من بدري كل شئ تعبت وأنا جالس بالسياره أنتظرك ليش تأخرييني كل هاذا الوقت أنت يبغالك ساعه في هاذي الحاله إذا شفتيه ماتقبل صمتك قولي له يرضيك ياعمري أطلع وأنا ماجهزت نفسي بعدين يقولوا زوجة فلان شكلها مبهذلها شفتوها كيف صايره
حالتها أنت ماترضاها لازم أطلع في أحسن صوره عند الناس لازم ألبس وأتكشخ وأتفنن لأن أي وحده عندها زوج مثلك طيب وحبوب ويهتم فيها ويحب تطلع زوجته بين الحريم بأجمل حله ومعاك معاك رايح يتعود على أسلوب التأخير رغم إني أشوفك ماتتأخري عليه واجد والله زوجي أنا إللي ماقعتن قلبه مسكين أتأخرعنه أحيانا ساعتين أوساعه أقل من ساعه مستحيل حاولت أتغير ماقدرت لاكني أرتاح لو جلس عندي ونزلنا لسياره نركب سوى أنت إذا قدرتي تشغلينه بالسوالف معك حتى تجهزي شئ حلووطيب إذا جلستي تسولفي وياه وأنت على السريع تتجهزي ماراح يحس بالوقت أما إذا قال لك بروح أشغل السياره تسخن الله يعينك يانبض أنتبهي بس لعباتك لاتلبسيها مثلي مقلوبه و ماتنزلين إلا السياره سخنت والرجل كمان سخن معاها الله يعينك يا أختي أصبري وأحتوي الوضع بحكمتك إذا شفتيه ماتغير عن طبعه حاولي تهدينه بكلمه معليش حبيبي آسفه أعذرني ماكان قصدي أزعلك وأعصبك أنت تعرف الوحده يبغى لها وقت لتجهز ومن هالكلام حتى يطيب خاطره ولاتخلين المواقف تتراكم بنفسك ترى مايصلح كذا الضغط يولد الإنفجار تناسي أو أنسي أي موقف بوقته ولاتحطين بنفسك أبد الله يعينك ويهدي زوجك ويصلحه لك إن شاء الله .