منتدى عالم الأسرة والمجتمع - عرض مشاركة واحدة - انفعالية زوجي المستمرة.. ماالحل..

22-12-2010, 10:20 AM

][ لمني بشوق ][

كبار شخصيات المنتدى

تاريخ التسجيل: Aug 2006

المشاركات: 2,856

اقتباس:

المشاركة الأصلية كتبت بواسطة نبض الدان

مثلا مرة كنت بالمطبخ مشغولة بالعشاء واسمعه ينادي بصوت عالي لدرجة بنتي ركضت عندي من الخوف>>لأنها أحيانا تاكلها هي

فديتها البنوته كسرت خاطري ...

شوفي حبيبتي ... الرجل سريع الانفعال ضعيف جدا لانه ما عنده القوة ليمسك اعصابه .. فينفجر
ولا تحطين في خاطرك منه لانه ما يتقصد جرحك او ايذاء مشاعرك .. وترا ينسى بسرعه ..
ذكر احد الاطباء مرة انا الرجل سريع الغضب غالبا ما يكون قد مر بتجربة قاسية في طفولته وأثرت فيه
او يكون فاقد لثقته بنفسه او تعود انتقاد الناس له .. فاكثر ما يحتاجه هو الحب والحنان ..

وبما انك انتِ هاديه فاعتقد ان وضعك وايد احسن ما شاء الله ... تعاملي معاه بهدوء .. واسمعيه
للآخر وبعدين قولي له : ادري ان هالشيء يغضبك .. وان شاء الله ما يتكرر

لا تعتذرين ... ولا تقولين له دائما : انت وايد عصبي - انت تعصب من غير سبب - ما اقدر اتناقش معاك
لانك تعصب بسرعه - بنتك تخاف منك لانك عصبي

كل هذي العبارات تساهم بزيادة عصبيته وتتركز عنده المعلومه فخلاص يحس انه هو عصبي وصعب
التعامل معه وان كل الناس ماخذه عنه هالفكرة ..

الرجل بهذا الطبع يحتاج صبر .. ادري انه صعب عليك حبيبتي لكن مع الايام ان شاء الله بتخف عصبيته
اذا عرفتي كيف تتصرفين معاه ...

يعني لا تستفزينه - لا تكررين الشيء اللي نبهك عليه قبل - لا تعارضينه بشده او تتناقشين معاه
في وقت عصبيته - لا تسكتين على تصرفاته بمعنى أجلي النقاش اذا كان معصب وبعدين نبهيه لفعلته

ذكري زوجك بالامور اللي أمر الرسول عليه الصلاة والسلام ان يفعلها الشخص ليتحكم بغضبه ..
وحسسيه بأن سرعة غضبه من الامور التي ممكن تخرب سعادتكم ..

استخدمي الذكاء معه ... يعني قولي له : اذا استمريت يوم كامل بدون ما تعصب او تصارخ بسوي
لك مفاجأة حلوه ... وبعدها 3 أيام ثم اسبوع ... وشوفي زوجك شو يحب وشو اللي يسعده ...

وان شاء الله يتتغير الامور محتاجه صبر يالغاليه ... اسفه على الاطاله ...

والله يسعدكم ويحفظكم ويهنيكم يارب ...

__________________

للاطلاع والاستفاده : 1 ، 2