والله اني امس قعدت ابكي من الساعه 5 العصر لحد الساعه 10 ونص الليل مو علشان اني ماراح اطلع علشان مافي سبب مقنع ابوي يبغئ يمشي كلامه وبس اول شي قال دوام ولما حطيت الطلعه بيوم مافيه دوام قال الفلوس ودبرت الفلوس من امي الله يخليها لي يارب طبعآ لاتحسبون ان عندها وظيفه كل فلوسها من اختي وزوجها الله يسعدهم المهم قال ابوي ليه تضيعون الفلوس في شي ماله داعي واللي خلاني ابكي اكثر لدرجة اني لما اتذكر الكلمه اللي قالها لامي اروح الله يكرمكم دورة المياه بالجامعه وابكي حتئ كل البنات يقولون ليه عيونك متنفخه شكلك تعبانه اقول ايه تدرون وش قال اقول خذي عيالك وروحي عند اهلك بالله هذا كلام هي وش قالت علشان يقولها كذا وربي البيت انها ماتكلمت عليه بصوت عالي علشان يقول كذا وانا لما تكلمت معه والله اني ماسكه اعصابي وتكلمت معه بصوت منخفض ولا نفع وقبل شوي سمعني قاعده اقول لامي وش الاغراض اللي راح اخذها بكره للملاهي قال اساسآ من سمح لكم سكتنا امي راح تصلي وانا قعدت علئ الاب توب وما رديت
الئ متئ وهو يستمتع اذا مشئ رأيه في النهايه عرفت ان السالفه مو سالفة دوام ولا سالفة فلوس ولا سالفة انه خايف علي اساسآ اشلون يخاف علي وهو مايحبني مركبني مع سواق باص لا هو متعاقد معه ولاشي يمني فجاءه جاء وقال انا انقل بنات للجامعه بسعر 600 علئ طول قال اذا تيغين الجامعه روحي معه ولأ اقعدي بالبيت لا والمشكله اني انا الوحيده بالباص وربي اني اذا ركبت معه بس اقول اذكاري من لي غير ربي يحفظني ابوي والله مادرئ عني وحتئ الله لا يقدر لو سوئ اليمين شي تحسبونه بيصدقني لا بيصدق اليمني لانه مره في واحد كان يزعج علئ تليفون البيت ولما رد عليه ابوي قال المزعج بنتك اللي دقت علي وطبعآ صدقه ولحد الان احسه يشك اني اعاكس وانا اللي اقسم بالله اذا دخلت منتدئ وفيه شخص طلب صداقه اني اترك المنتدئ الحمد لله الله يثبتي انا خلالالالالالالالالالالالالالالالالالالالالالالالال الالالاص
طفشت كرهت الدنيا قلت اصبر ان شاء الله ربي يرزقني بزوج صالح ولما انخطبت من اخو صديقتي اقسم بالله انه ماينرد رفضه بحجة الدراسه قلت طيب لين اخلص الدراسه قال احنا مانزوج واحد مو من الجماعه اساسآ هو يبغاني لولد عمي وولد عمه عمره اللحين 24 اخر مره شافه ابوي وعمره 12 سنه وياليته قال ابغئ بنتك ولا فكر يقولها
اقسم بالله احيانآ اقول ودي اني اهرب لكن وين اروح وين اروح واخلي امي وازيد عليها هم
والله اختبار اليوم اخذت فيه صفر من عشره والسبب ابوي والسنه اللي راحت رسبت بماده بسبة ابوي
الئ متئ اصبر