عضو الهيئة الطبيبة -طبيبة تشخيص مخبري
تاريخ التسجيل: Jan 2010
المشاركات: 621
عادي أخي الحمل من أوله لآخره هيك ، بالأول فترة وحام و هي فترة صعبة كتير
بعدين بين الشهر الرابع و السادس بترتاح شوي
و بعدين لما تتقل حركتا رح تتعذب معها كمان
و بالشهر الأخير رح تصير تساعدها انت بكتير أمور ، يعني مثلا بجوز تكون مستلقية بالسرير و ما تقدر تقوم من تقل بطنا و تستعين فيك ..
عدا عن كل هذا هرمونات الحمل بتخلي المرأة عصبية و بتخليها تزعل من شغلات تافهة
انا بصراحة هلأ في شهري الأخير و زوجي صبر علي كتير
كنت كل ما عصب او ازعل من سبب تافه يقلي معلش حبيبتي هدول هرمونات الحمل هيك ساووا فيكي
كتير صبر علي
و انا بقلبي صراحة لما هيك بقلي بنبسط بقول هدا دليل انو متفهم و انو ما رح يزعل مني
فبحاول انو روق و اني ما ازعل
احيانا انا بزعل منو و برجع براضيه
بدك تداريها حاول تتركا شوي مع حالا لما بتزعل ، هيه لوحدا بتراجع نفسا و بتروق
أهم شي ما تغلط معها اي غلط غير قابل للتراجع
و حتى لو وديتها عند أهلها خليك على اتصال فيها حتى تحس انك مو مستغني عنها
فهيه لحالا رح تحس انك بتحبها و رح تتغير و تحاول تكون منيحة و صبورة
__________________
اللهم أرنا الحق حقاً و ارزقنا اتباعه و أرنا الباطل باطلاً و ارزقنا اجتنابه