البحث عن عريس!!
السلام عليكم ورحمة الله
انا بنت عمري 29 سنه، ومسجله في موقع للزواج،ابي القى شخص مناسب لي،،، وفعلا في شخص
اعجبته بياناتي وطلب مني اشوف بياناته( البيانات هي الطول والوزن والعمر واذا كنت قبيليه ام لا ، ونوع التعليم،والمواصفات اللي ابيها)
ولقيتها مره مناسبه لي، وطلب مني اضيفه بالماسنجر ،، بالرغم اني ماقد اضفت احد ومستحيل اضيف
لكن حسيت اننا فعلا لازم نتواصل عشان نتفق،، اول ما اضفته عرف عن نفسه وعرفت عن نفسي وبعدين
سئلني اذا عادي اروح معه بعثه،،طبعا وافقت لان هذا حلمي،،قال انه بيجي بعد اسبوعين للسعوديه
وبيخطبوني، بس عنده مشكله، ضروفه مره سيئه لانه طالبه وماعنده الا المكافاه،، بس اللي قهرني سؤاله
كم التكلفه الاجماليه، عطيني كم وانا بفكر< يقصد المهر
قلت مدري بس اهلي ما يبالغون ابدا،، قال عطيني كم التكاليف بالريال وبشوف ظروفي اذا تسمح او لا
انا مره حزت بنفسي حسيت اني بضاعه
((وبيني وبينكم ما ابي اضيعه،، نفس قبيلتي ونفس عمري،، ويبيني اكمل معه دراسه برا))
قلت انت كم تقدر؟؟ قال 20 الف،، قلت له لا زيدهم 30،، 
الموضوع سبب لي اهانه واخاف بكره يعايرني او انه بيتزوجني بس عشان البعثه وخلاص
قال انا مشكلتي بس ماديه،
وشرايــــكم
ما ابيه يسترخصني،،
انا ابي اتزووووج
وانا لو ادفع عمري بس اكمل دراستي،،
ما ابي اضيعه، والرجال معي محترم،
التعديل الأخير تم بواسطة س. العتيبي ; 17-12-2010 الساعة 12:52 PM