حبيبتي تعرفين وين الغلط ... انك غير مقتنعه بزوجك ومو مستعدة تتقبلينه بشخصيته وبطبعه ..
طبيعي عزيزتي ... اذا زوجك يشوفك تطلبين منه أشياء مو من طبعه يسويها وبطريقتك وتحنين عليه .. بيحس انك تبين
تجردينه من ذاته وشخصيته ... فيأخذ دور المدافع وينكر أي تغيير تطلبينه منه ...
كل انسان له شخصيته وطبعه ... والطبع مستحيل يتغير ... استغلي نقاط ضعف زوجك ... تقربي منه علشان تعرفين
طريقة تفكيره ... نحن ما نقدر نشكل الناس على هوانا ... ونرفض ان يفعل الناس بنا ذلك ... عندك مشاعر ورغبة في
الحضن والحب مالذي تنتظرينه ... احضنيه واغرقيه بالحب طلعي اللي بخاطرك كله معه فهو حلالك ... لا تنتظرين المبادرة
منه ... وعن المدح والاطراء ... اتمنى ان تتعلمي وتتثقفي من ناحية الفرق بين طبيعة الرجل وطبيعة المرأة ... فالرجل
لا يعبر مثل المرأة ولا يعرف الطريقة للتعبير ... اذا زوجك ما تكلم لا يعني انه ما يشوف وما يسمع ..

حاولي تغيرين نفسك حبيبتي ولا تنشغلين بتغيير زوجك .. اختاري السوالف الحلوه وسولفي مع زوجك .. خليك مبتسمة
دائما ولا تكثرين من الشكاوي والنكد ... ركزي على تصرفاتك اكثر ... اذا كلمك كيف تردين عليه ؟ اذا حدثك عن موضوع
يجذبه كيف تكون ردة فعلك يعني منصته بملل ولا مشيه الحال معاه ؟ اذا جاب غرض للبيت كيف تتعاملين معاه ؟
اذا تصحينه من النوم كيف تكون طريقتك وهل تبدأين بالشكوى والتذمر ؟ لما تجهزين له مفاجأة معينه هل تمنين عليه بها ؟
يعني دققي على هذه الامور الي بنظرنا بسيطه ولكنها كفيلة بتغيير الزوج مليون درجة ...

سعادة الحياة الزوجية ليست بالرومانسيه ... بل بالمعاملة الاطيب من الطيبة بذاتها ... بالاحترام وتقبل الآخر والقناعه ..
واهم شيء بالخوف من الله والتقرب منه بالقول والفعل ...

الله يفرج همك يالغاليه ... ويسعدك ويحفظك ويهنيك دنيا وآخره ...