منتدى عالم الأسرة والمجتمع - عرض مشاركة واحدة

11-12-2010, 05:20 AM

#27

انفاس العطور

عضو مميز

تاريخ التسجيل: Dec 2009

المشاركات: 979

اختي العزيزه

انتي عرضتي مشكلتك والاعضاء ردوا عليك من الاحترام انك تردين عليهم باحترام

يكفي انهم خصصوا جزء من وقتهم وتفكيرهم عشان يردون عليك صح

واذا مااعجبك شيء وضحيه باسلوب لبق وواضح مثل ماوضحتي مشكلتك

حبيببتي
اول شيء لازم تعرفي انو اي انسان تجيه فتره بعمره يتغير عليه كل شيء
اشياء نفسيه وجسمانيه
هذي مرحلة انتقالك من طفوله الى الانوثه

<<ترى حلوه المرحله

يصير فيه تغيرات بالجسم والشخصيه عشان هالتغيرات تتاثر نفسيتك وتصيري ماتحبي تكلمي اي احد ويكون طبعك حاد شوي وو ..الخ

كل انسان تمر فيه هالامور ومرت فيني انا قبلك

طبيعه لكن اذا ضخمناها زادت عن حدها

فشلك في شيء بسيط مو معناته فشلك في كل شيء بالعكس خلي الفشل دافع لك

اول شيء لازم تتقربي لربي صلي وحافظي ع الاذكار الصباح والمساء واقري قران
لاتخلين الشيطان يدخل لك مع مدخل بالعكس خليك قويه بايمانك
تعلمي تكوني ذكيه وباين عليك ذكيه مو تقولي اغلب موادك امتياز

دليل انك ذكيه والا مافيه وحده غبيه تجيب امتياز
استغلي ذكائك ولاتخلي الشيطان يدخل مع مدخل بسيط ويصير يمثلك امور وهميه
اكيد بنقول لك صلي وادعي ربك
لان فيه ايه تقول (ومن اعرض عن ذكري فإن له معيشه ظنكا)
اكيد بتصير حياتك ممله وكيئبه لانك اعرضتي
جربي تقري كل يومين لو صفحه من القران واحرصي عالصلاه مو عشان احنا قلنا لك لا عشان انتي تسوينها طاعه لربي

ولاتتركي الشيطان يلعب بعقلك ويقولك اف شوفي هذول اي شي تقوليه لهم يقولي صلي واقري قران وو..الخ

ثاني شي خلي لك هدف معين واسعي لتحقيق هالهدف
يعني مثلا تحبي الخياطه اتعلمي الى ان تصيرين فنانه

تحبي الرسم اجلسي واتعلمي الى ان تتقينه
سوى في حياتك انجاز بانك تحققين اي هدف انتي تبغيه لو بسييييط
يعني مثلا اجيب امتياز بهالماده او اكون الاولى عالفصل في هالترم واجلسي تحدي نفسك وصديقاتك

ماعندك هوايات ؟؟؟
اكيد عندك شوفي ايش هي هوايتك واستغليها صح

اذا قريتي ردي انتظر ردك ع كلامي

__________________
وعند الله لاتموت الامنيات