اقتباس:
المشاركة الأصلية كتبت بواسطة همي داخل فمي
افففففففففففف كلكم تقولن تقربي من الله ومدري ايش يعني لو بقيت ساكته كان احس
|
كل انسان في الحياة يحتاج إلى رب يعبده ويعتقد فيه ..
تدرين في العصور الوسطى .. كانوا يقولون إن " الجبل هو ربنا " فإذا غضب الرب علينا اللي هو الجبل راح يرسل لنا بركان !
يعني شفتي ان كل انسان محتاج إلى شيء يعتقد فيه ويعبده ويناجيه !
مو حابه تتقربين من الله ؟ لا تتقربين ..
بس في عندج وحده من نهايتين راح توصلين لهم ..
أو ... إنج في يوم من الايام راح تعانين من إختلال عقلي في مستشفى الأمراض العقلية
أو بيجيج يوم بتنتحرين ..
دوري في النت وبتشوفين هذيل اغلب نهايتين ممكن ان الانسان يوصل لهم .. في ظل ابتعاده عن شيء يعبده ..
فـ هل عندج غير الله تعبدينه ؟
شبتخسرين ... كلها 7 دقايق حق كل صلاة !
صليهم ما بتخسرين شي ..
لا تعتقدين ان الله محتاج حق صلواتنا
بالعكس .. الله غني عنا كلنا
بس إحنا نحتاج ان نصلي .. ونحتاج نصوم .. ونحتاج ندعي ونقرأ قرآن
انتي عندج حاجه تبينها من الله ؟.؟
قولي 7 مرات كل يوم " يا أرحم الراحمين " .. بتشوفين شلون بتتحقق حاجتج ..
الله غفور رحيم
ولكن الله شديد العقاب
بيجي يوم ونموت ... في القبر شنو بيكون عذرج عن الصلاة ؟
بتقولين حق الله " مالي خلق " ؟؟؟؟
عسى ربي يهدينا ويهديج حبيبتي
تخيلي ..
لو فيه انسان كل يوم يعطيج هديه
كل ما طلبتي منه شي عطاج اياه
حنون معاج .. وكريم .. ويحبج
بتستحين حتى تغلطين عليه بكلمه صح ؟؟
فما بالج بـ الله ؟؟
الكريم .. الغفور .. الرحيم .. العطوف .. الرحمن !
عطاج كل هالنعم ؟ وبعد تجحدينه ؟
ولا تقولين له شكراً ولا تحمدينه ؟
الحمدلله مو كلمه نقولها حمدي ربج بـ صلواتج
حمدي ربج بصيامج !
شفتي شلون احنا " حقراء " و " ضعاف " أمام رب العباد ؟؟
اصلاً ... المفروض نستحي نرفع ايدنا ونطلب من الله حاجتنا
لأن حتى واحنا نصلي ونصوم ونقرأ قرآن ونزكي ونحج ووو إلخ
بعد ما نشكر الله على جزء من اللي يعطينا اياه !
فما بالج إذا كنتي ما تصلين !
صدقيني جربتي تدعين الله بقلب نظيف .. بتستحين لأنج مو قاعده تصلين ولا تعبدينه !
__________________
الأمل بالله عرفته
التعديل الأخير تم بواسطة Take Breath ; 10-12-2010 الساعة 01:11 AM