*** آخر المستجدات ***

أنا عملت بنصايح الأغلبية هنا و خارج المنتدى ..

عطيته فرصة .. فتحت له المجال ..

و أنا من جهتي انكبيت اقرأ الكثير من المواضيع في أساليب التعامل مع شريك الحياة و الثقافة الزوجية .. << مع ان عندي اختبار الاسبوع الجاي المفروض اقرا للاختبار بس الشكوى لله هههه

طبعا هو مثل ما قلت لكم اعتذر في آخر مكالمة صارت بيننا ..

رجعنا _ بحكم ان السواق سافر فما في أحد يوديني الدوام غيره _ المهم القصد اني صرت اشوفه اكثر ..

لكن والله غصب عني .. تعاملي معه لسه مو مثل أول .. لكن مقبول نوعا ما .. ياخذ وقت أكيد لما نرجع على طبيعتنا ..

لكن هو تعامله معي افضل .. احس انه صار كلامه افضل .. حتى عصبيته بالسواقة خفت كثييييير .. ما صار يقول الكلام اللي كان يقوله عن اللي يسوقون من قبل .. الا اذا غلطانين عليه غلط جامد لازم تطلع كلمة كلمتين هع هع

هو حاس ان في شي لسه باقي .. من غير ما اقول شي .. يبوس ايديني و يعتذر و يقول بعدك شايلة على خاطرك .. و انه ما كان يقصد شي .. و انه يحبني و ان هالشي صار ناتج عصبية و مدري وشو ..

يوعدني بالافضل و يقول لا تخافي مني .. لأني أخاف الله فيك

احس اللي صار غيرنا اثنينا .. مو أنا لوحدي ..

ساعدنا في رسم الخطوط العريضة لحياتنا مع بعض ..

اتمنى ان التغييرات هذي تساعدنا في بناء حياة أسعد و أفضل ..

و من هنا اوجه شكري و تقديري للجميع على وقفتهم معاي بهالمحنة .. و أقدر كل كلمة كتبتوها لي .. اعرف انها من جهة حرصكم علي .. كل و طريقته

و كمان اتأسف على كل كلمة سيئة قلتها في حق خطيبي .. المفروض مهما أكون زعلانة منه و صاير بيننا .. المفروض ما اقول عنه كلام سيء لأن هالشي يعكسني .. مثل ما تفضل الاخ الكريم كناري البحرين

شكراً لكم من القلب يا أحبة