والله ثم والله انكم كنتم لي عون بعد الله وساندتوني نفسيا وسوف ادعوا لكل من رد علي بظهر الغيب.

في الحقيقه كنت حيرانه ماني فاهمه شي في هذه المشكله الحمد لله لقيت من يوعيني ويوقف جنبي وابشركم اني استجمعت قواي وأرسلتله مسج وقلت بالحرف الواحد (ارسلي ورقه طلاقي الله بيعوضني خيرا ان شاء الله) هذا الكلام امس الساعه 1 الظهر وكنت ماسكه جوال ابوي وشفت رقمه وانا ما ادري انه اتصل ( اتصاله سبحان الله كان قبل ما ارسل رسالتي اللي فيها اطلب الطلاق بساعه) وسألت ابوي اذا هو كلمه او لا فقال الا كلمني سالته اش عنده : قال ابوي بعدين اقولك<< انا توترت شوي وقلت لابوي تراني طلبت منه الطلاق برساله وما عليه حسوف وهذا انسان ما يصلحلي ولا عاد ابيه فقال ابوي تراه اتصل علي وقال اني طلقت ساله ابوي اش السبب قال بنتكم فيها برص !!!! ياناس مو لاقي عذر يعني حتى السبب اللي قاله مش فيني تبلاني حسبي الله نعم الوكيل ..


الحمد لله اللي فكني منه وبدون اي خسائر بعد ما كشفته على حقيقته والله بينتقملي منه انه عزيز ذو انتقام