منتدى عالم الأسرة والمجتمع - عرض مشاركة واحدة - أنا لم أُخلق لأتزوج ((مستجدات بالرد38))

04-12-2010, 09:32 PM

#46

تعويذة عشق

عضو دائم

تاريخ التسجيل: May 2010

المشاركات: 87

مرحبا ..

مشكورين جميعا اخواني و اخواتي على تفاعلكم ..

أنا و الله احترت في أمري معاه .. مالي خلقه نعم

بس خاااااااايفة حيل من مسألة الطلاق .. اعرف المفروض يغورووووا الناس في ستين داهية .. بس ما اتخيل موقفي و اهل خطيبي الأولي يقولوا .. شوفوا قلعتها فكت مرة ثانية

و لا الناس اللي بيقولوا .. لما كان البلا فيها ما فكت مرة ثانية ..

احس لو بفك .. بفك بعدين بنتحر أو بهاجر ديرة ثانية ما احد يعرفني فيها

وش ذا العيشة .. احس حياتي خرااااااااااااااااااب

......................................

طيب تعالوا معاي شوفوا آخر المستجدات <<< فلم مو مشكلة خخخ

البارحة كلمني ..

أنا مدري وش السبب انه دق .. غريبة و ما اتوقعتها و أنا الى اللحين مو مستوعبة انه دق من نفسه .. حلفت أمي على القرآن الشريف انها ما كلمته و لا رسلت له شي .. بس غرييييييبة انه يدق من نفسه .. هو انا اعرفه مو من النوع اللي يذبحه الشووووق و الحنين و يرجع .. هو من النوع اللي عاااادي .. انتي موجودة راح ينبسط فيك .. مو موجودة ما يخالف بيشوف له شي ثاني يسويه مو مشكلة

المهم دق .. انا كنت مغيرة جهازي الجوال .. يعني مو حيل مع الجوال الجديد .. المهم بدل ما اخليه سايلنت رد .. قلت ما بسكر في وجهه .. تصير مشكلة ثانية .. و بعدين تصير الكرة في ملعبي

رديت عليه ..

و اليكم المحادثة ..

(( ما يخالف بتحسونها كأنها قصة .. بس من بداية المشكلة انا خليتكم في قلب الحدث ))

أنا : ألووو <<< شتبين يعني اكيد بتقولي ألو خخخ

هو : السلام عليكم عشق .. شخبارك ؟

أنا : ماشي الحال

هو : كيف دوامك ؟ وش سويتي ؟

أنا : كالعادة

هو : وش اخبارك بعد ؟

أنا : ماشي الحال

هو : زينة ؟

أنا : اي

هو : وش مسوية ؟

أنا : ماشي الحال << لمتى يعني خخخخ
يا فلان , بصراحة أنا ما كنت ناوية أرد .. بس انفتح الخط بالغلط , لو سمحت أنا بنام

هو : أبي اكلمك شوي طيب

أنا : لك خمس دقايق

هو : طيب , ليه ما تبين تكلميني ؟

أنا : انت عارف ليه مابي اكلمك .. لأني شبعت اهانات

هو : أنا ما اهنتك

انا : وش تسمي غبية و متخلفة و تافهة

هو : أنا مو قصدي اهانة , أنا لما طلعت برا , هم في كلامهم كثيييير يدخلون هذي الكلمات مو قصدي منها شي .. بس تعودت اقولها ..

أنا : احنا مو برا .. و انا بالنسبة لي هذي اهانة .. و ما يختلفون عليها اثنين

هو : انتي ما تفهمين

أنا : شفت ؟ يعني مافي فايدة .. شنو ما تفهمين ؟ ما عندك احسن من هالاسلوب

هو : لا مو قصدي ما تفهمين , بس قصدي انتي تفهمين , بس انتي حساسة زيادة عن اللزوم

أنا : هذي كرامة , مو حساسية ..
من النهاية يا ولد الناس .. انا احترمتك و حطيتك على راسي .. كعصبية كل الناس المتزوجين و المخطوبين يعصبون و يتخانقون .. لكن يبقى حد من الاحترام ما ينزلون عنه .. أنا مو واحد من الشارع بتقول له كلمة بعدين تروحون كل واحد في حاله .. احنا نتشارك حياة .. يعني باقيين مع بعض على طووول .. ما تتخيل شقد هالكلمات تجرحني و تخلي أثر في نفسي ما ينمحي

بعدين مدري وش جاني .. من زوووووود مافيني من القهر قمت اصيييييييييييح

هو : لااااااا يا عشق لا تصيحين يا حبي .. والله قلبي يتقطع .. أنا آآآآآسف يا يبه و حقك علي .. و الله ما اعيدها ..

أنا : نفس كل مرة تعتذر و ترجع مرة ثانية و تهينني .. بس احنا راح نجلس كذا على طوووول .. اسمح لي ما اقدر اتحمل

هو : لا ان شاء الله ما اعيدها .. بس انتي اذا سمعتي مني كلمة .. لا تصيرين حساسة و خذيني باللين ..

أنا : يا فلان انا افوووت لك كثير .. بس في مستوى من الاحترام لازم يظل موجود .. يعني مو معقولة تقول لي يا غبية و أنا اقول لك حبيبي لا تقول لي كذا ..
يمكن انت لو ماخذ وحدة من بيت متعودة طوووول اليوم تعالي يا حمارة .. روحي يا كلبة .. شيلي يا غبية .. حطي يا متخلفة .. ما راااااااااح يتغير عليها شي و راح تعيش معاك بسهولة لانها متعودة .. بس انا وحدة ما انقال هذا الكلام لا في بيتنا و لا شغلي و لا صاحباتي ..

هو : اي .. بس احيانا انا اعصب منك .. تخليني اقول لك هذا الكلام

انا : ارجع اقول لك .. أكثر من نص هالعالم يعصبون مع زوجاتهم .. بس يبقى لهم احترامهم .. ما شروهم هم .. و بعدين خلاص خلصت الخمس دقايق ..

هو : صبري عاد اقول لك ..

أنا : و بعدين بقول لك .. انت كل شوي تقول لي .. احنا ما بنكمل مع بعض .. و لا احنا ما بنطول بالعيشة مع بعض .. تراك خبيتنا من جد .. الكلام هذا ما يشجع حتى على بداية الحياة معك .. احنا شفنا العالم يقولوا لخطيباتهم .. ما بتشوفين معاي الا كل خير و من هالكلام السنع ..
عموما ما احد جابرك تدخل في تجربة انت حكمت عليها مسبقا انها فاشلة

هو : عشق يا بنت اعقلي .. والله انا احبك .. لو ما احبك ما دقيت

أنا : اوكي يا فلان خلصت الخمس دقايق من زمان .. و انا جاني النوم .. لازم اسكر

هو : طيب على راحتك .. اخليك ترتاحي اللحين

أنا : بااي .. طوووووط

.................................................. ......

اليوم الصباح يرسل لي مسجات و يتميلح .. بس انا ما ارد عليه

احس لسه ما برد قلبي .. و لسه قلبي شايل عليه .. لما يدق أرد .. بس بثقل نفس ... عشان كذا هو ما يتشجع .. خمس دقايق و هو مقفل و اغلب الكلام هو اللي يقوله .. استغفر الله حتى اليوم سوا حادث بسيط .. ارسل لي مسج يعلمني .. استغفر الله .. والله اني ما حسيت بشي, وقتها كنت بالشغل عندي اجتماع و لااااااااافكرت اطلع استأذن شوي اتطمن عليه و ارجع .. عاااادي ارسلت له مسج (( سلامات .. عسى ما تعورت )) << احس من باب الذوق و الواجب تجاه اي احد مو قريب حتى .. يعني و الله ما حسيت اني خااااايفة عليه على اساس انه خطيبي و المفروض حبيبي و اني لازم اكلمه اتطمن عليه و اشوف وش صاااار فيه و مدري وشو .. ولااااااااا شي

أمي ..
ما تشجع طريق الانفصال .. تقول عيبه هذا .. تقدرين تصلحينه .. تقول بتواجهين صعوبة بس يتصلح .. و انه ممكن متعود يقول هالكلام ببيت اهله .. بس بكرة لقعد وياك بشقتكم و عرف ان الكلمة من هالنوع ممكن تسوي له مشكلة مع زوجته و تكبر و تصير قضية .. شوي شوي يبطل ..
امي تقول عيبه هذا صحيح خايس و مو متوقع منه و شخص بمستواه .. لكن اذا قارنتي هذا العيب بعيوب رجال ثانيين .. مثلا عينه زايغة و لا يكلم بنات و لا يسب سب حقيقي بالأهل و مدري وشو .. يعتبر هالعيب من الاشياء القابلة للتصحيح
امي تقول اثقلي عليه .. بس لا تحقدي و تصيري حقودة و تقولي ما برد قلبي .. خلك وسط .. لا تخلينه يندم انه اعتذر لك .. شجعيه على انه اذا غلط .. يجي و يعتذر و يفتح الموضوع و مدري وشو كلاااام واااجد
و بعدين انتي وراك مشوار حياة طويل و طموح و شغل .. لا تشغلين حياتك بطلاق و انفصال و عفسه .. مشي امورك .. و هو مو سيء وااااجد .. فيه امور ايجابية كثيرة

ابوي ..

يقول انه ما راح يتدخل بالموضوع اللحين .. دام الأمور مولعة .. يقول خلي الأمور تهدا شوي .. بعدين نعلمه طريق السنع

صديقة ثقة ..
تنصح اني اعطي الموضوع فرصة .. اقبلي اعتذاره و اجلسي معه جلسة مصارحة ..
غيري من نفسك للافضل و اقرأي كتب و كلاااااااام وااااااااجد تربوي تثقيفي .. لكنها ما تشجع الانفصال حاليا

انا ..

احترت في امري و ما ادري شسوي .. انفصل عنه ؟ هو اصلا احس كلامه مو مريح من ناحية احنا ما بنطول مع بعض .. و لا انتي ما بتعيشين معي أكثر من سنتين اذا طريقتك كذا و من هالكلام .. صراحة يخووووف
لكن قلت لكم .. انا منفصلة من قبل .. مدري وش يصير في اهلي لو انفصل مرة ثانية ..
و بعد ما اضمن تجربتين خايسين .. ما اضمن لو جات التجربة الثالثة .. هذا لو جاااات خخخخ
ما اضمن تصير اخيس منهم اثنينهم .. فقدت ثقتي بالرجال كلهم .. احس مافي رجال سعودي عدل خخخخ

هذي التطورات للحين ..

ابي اسمع رايكم .. و كلي ثقة فيكم