الله يعينك يا أختي على وضعك مالك غير رب العالمين يفرج عنك ما أنتي فيه وبقول لك شئ أنت يوم أعطيته السلفيه ليه ما أخذتي عليه ورقه منه بحقك حتى تظمني حقك وتضمني أنه مايتغيرعليك لأنه عارف إنك بتطالبيه بفلوسك إذا سوا لك شئ بعدها ماراح يتجرأ ويرفع إيده لأنك لوطلعتي الورقه إللي معاك ماقدامه غير حلين أحلاهما مر يايدفع أو السجن في إنتظاره حتى يسدد إللي عليه أنت مشكلتك إن قلبك طيب وودك ترضينه بس مثل زوجك وأسلوبه ماينفع معه الطيب مثل ماقالوا لك الأخوات طلعي تقرير ولوكررها معك إشتكيه الدنيا مي بسايبه فيه حكومه وفيه حقوق إنسان
وفيه محاكم وطالبي بحقك الأوللي والتالي خليه يصحصح ومرة ثانيه لاتعطينه فلس إلا بضمان وصل وعليه إشهود ويبصم بعد وخلي الورقه عند أهلك لوشفتيه يلف ولايغلط لوحي بورقتك هاذي وقولي له إذا أحترمتني أحترمك وإذا شفتي مانفع معك إشتكيه وبعدها خلي إللي جالس يصرف عليهم راتبك ينفعوه ويسددو عنه وش منتظره يسويلك كسر وإلا إعاقه إلحقي نفسك
اليوم عيالك صغار مايفهموا شئ بكره عيالك يكبروا ويشوفوا أمهم قدوتهم تنطق قدامهم ويش بيصير في نفسيتهم
وكيف تكون صورتك في عيونهم أنت معلمه وأكيد إنك مريتي في طالبات يعانو من العنف الأسري وأكيد إنك شايفه مستواياتهم وطريقة تعاملهم مع من هم حواليهم إنتبهي عيالك يطلعوا نسخه من هاؤلاء الأطفال كافحي لأجل أولادك وأسرتك من الآن لأنه إذا أستمر على هاذي الطريقه وأنتي ساكته فإنه سيستعلي وتأخذه العزة بالإثم وماعمره راح يصلح نفسه ويعدل أسلوب تعامله معاك الله يعينك ويصلح لك شأنك ويهدي زوجك ويرده إلى رشده .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله