اعزائي اشكركم جميعا على الردود ... بصراحه كلامكم واااااااااااااااااااااااايد عطاني دافع للتفائل واشكركم على اللي سويتوه .. بس والله العظيم في بداخلي خوووووووووووووووووف كبير من الرجال .. صرت اعتبر الزواج اكبر مجازفة يمر بها الانسان .. كنت دايما ابحث على الانسان اللي يقدرني ويفهمني .. لو لقيت الانسان اللي يحترمني ويعاملي معاملة جيده والله اني كنت بسعده وبريحه وبعطيه كل ما املك ولكن وللأسف تفاجأت بانسان ماقدرني ولا عرف يحافظ علي .. حاولت اني اعدل وضعي معاه وتحملت وصبرت سنتين ولكن الوضع معاه كان سيء جدا وصرت ما اتحملة حياتي معاه كانت جحيم .. لكن الحمدالله الحمدالله الحمدالله الحمدالله ان الله سبحانه يسر اموري وتخلصت منه .. بصراحه قبل شهر تقريبا تقدم لخطبتي شاب يعمل بنفس المكان الذي اعمل به .. تفاجأت من الخطبة ورفضت وبشده .. حاولوا اهلي معاي بس ما اقتنعت
ما اقدر حتى اسمع شي عن الولد .. مافي اسباب تخليني ارفض هذا الانسان .. فكرت بنفسي وااااااايد وقلت لين متى بتمين على هذي الحالة ياثريا بس في بداخلي شي كبير يمنعني .. يوم عرف الولد اني رفضت حاول انه يكلمني بالدوام ويعرف مني سبب الرفض وقالي انا بكلمج ونواياي حسنه وما اقصد استغلالج بس اتمنى انج تبينين لي سبب الرفض .. قلت له انا ما ابغي اتزوج وما افكر بالزواج .. كان صوتي يرتجف واحس اني ما اقدر اكلمه احس بضيق وخوف وابغي اصيح .. قالي ليش خايفة ومرتبكة المهم ان حس اني متوترة ومب عارفة اتكلم .. قالي انا سألت عنج واعرف انج مطلقة بس انا متأكد انج انسانه طيبة ومحترمة وعشان جذي تقدمت لج .. المهم انه حاول يفهم مني سبب الرفض ... ما عرفت شو اقولة وكنت اتهرب .. كنت احس اني اكلم خطيبي السابق وبدون مااحس صرت اقارن الاثنين مع بعض ومهما يحاول يحسن الوضع ويلطف الجو ما اقدر اتحمله احس كأني قاعده اكلم طليقي.. حسيت بضيق كبير بصدري واعتذرت منه وقلت له اسمحلي بسكر ومافي داعي تتصل لان الظاهر مافي نصيب .. وقعدت اصييييييييييييييييييييح ما ادري ليش.. صدقوني انا متضايقة وتعبانه وايد ... انا صارلي 7 شهور من طلاقي لكن نفسيتي كل يوم تتعب اكثر عن قبل .. سامحوني على الاطالة

تحياتي للجميع