الله يجزاك خير أخوي فكرتك حلوه وأنا أنصح بتطبيقها وخلال إسبوع واحد بإذن الله الزوجه بتلمس التغير في حياتها ولاعاد تقدر لاهي ولا زوجها على ترك هاذي الساعه يصير الزوج حتى لوسافر يشتاق لجلسة هاذي الساعه وتصير الزوجه تنتظر موعد هاذي الساعه وخلاص يتعود كل منهما على هاذي الساعه وما يتركوها ولاينسو وقتها أنا بالنسبه لي هاذي الساعه ما أقول فيها ملاحظاتي على زوجي أو أتشكى من شئ أو أناقش أي شئ فيها أنا أي شئ يضايقني أو أحب إني أوصل فكرتي لزوجي عن أمر ما أو عندي إعتراض على شئ أشيل ورقه وقلم وأكتب فيها أول شئ كلمات أثني فيهاعليه وعلى بعض صفاته بعدها أشرح له وجهة نظري أو أقول فيها وش مضايقني وإيش أبغى منه يسوي وأختم رسالتي ببعض كلمات الحب والدعاء له بالصحه والعافيه والصلاح وأغلفها وأرش عليها عطر وأحطها بجيب ثوبه أو في محفظته وأتحين الوقت إللي أحطهافيه مثلا أحطها وقت اليل علشان الصباح يحصلها أو قبل طلوعه من البيت طبعا زوجي ياخذها ويقرأها والحمدالله دايم ألقى منه تجاوب وتفاهم بالنسبه له هو إذا عنده شئ وحب يناقشني فيه وقت نجلس نشرب شاي وقهوه يقول إللي عنده وأنا كللي آذآن صاغيه عادي عندي بالنسبه لسوالف ساعتنا كل واحد يقول وش مر عليه في يومه ونرجع نخطط وش يسوي بعد تقاعده وش يفتح له مشروع وأحيا نا نرجع كل واحد يحكي الذكريات الحلوه والمقالب إللي مرت عليه وفي بعض الأوقات تمر فينا مشكله خارجيه
مو في البيت يعني من المحيط الخارجي نجلس أنا وزوجي ندور لها حلول والحمدالله حلولنا وأفكارنا ووجهات نظرنا دايم متشابهه ومتقاربه والحمدالله دائما تنجح معنا وأنا أنصح كل الأخوات يجربوها أنا أحيانا زوجي يناوب في دوامه من الساعه عشره صباحا حتى الساعه عشره اليوم الثاني يوم يجي البيت يقول لي أمس أفتقدت جلستنا كثير
وأشتقت لها حسيت بشئ ناقصني حتى أنافي البيت أحس بملل وطفش بس أتذكر إنه عمله واجب عليه وإنه جالس يعمل من أجل إسعادنا حنا أسرته فأصبر
وأسلي نفسي بأي شئ مع عيالي .
معليش أخوي يمكن ردي أطول الردود
أعذرني على الإطاله أطال الله في عمرك على فعل الخير لإخوانك وأخواتك وأسأل الله أن يعطيك حتى يرضيك وان ينير بصيرتك ويرزقك من حيث لا تحتسب.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله