السلام عليكم ورحمة الله وبركاته

كيفكم ان شاء الله طيبين

بقولكم مشكلتي باختصار وانتو قولوا وش رايكم بكل صراحه

انا انخطبت قبل 10 شهور من واحد نفس طبقتي الاجتماعيه وطيب وحنون ويخاف ربي واجتماعي وماشفت شي عليه يعيبه بس خجووول مرره ومااحس له شخصيه

المهم شفته بالشوفه وشافني هو كان مو وسيم ابد عادي جدا واقل من عادي المهم انا قعةت افكككر وقلت يابنت المهم الاخلاق والخوف من ربي الشكل مو مهم ووافقت عليه وحنا من عاداتنا نكلم بعض قبل الملكه

في البدايه كلمنا بعض طبعا كنا مستحين وسوينا الفحص وكل شي اوكيه المهم مرت الايام وبديت احبه بس مااحسه يحني ولا يشتاق لي يدق علي اذا طلع من الدوام واذا وصل البيت يقول حبيبتي انا وصلت وبنام اقول اوكي المهم كل مرره كذا وهو رايح لاصدقائه بالطريق يكلمني واذا وصل يقفل مني كل يوم يكلمني على هالحال واحيانا مايكلمني طول اليوم ولما يرجع من اصدقائه الساعه 1 بالليل يكلمني وهو دايييخ من النوم يقول ايش سويتي مايسولف ابد انا اللي اسولف وبعدي يقول انا وصلت البيت ومرره فيني نوم واقول اوكي

وانا دايم وهو في الدوام ارسل له مسجات اسال عنه ويرد علي بس نااااااادر مايسال عني حتى في البي بي لما اغير الصور ولا اكتب كلام مايعلق ولا شي كاني وحده مااهمه

وبالمكالمات مافي كلام حلووو ابد الا نااااادر بحجة انو يستحي قلت مو مشكله انا استحي مرره واحس باللي يحسه بس هو الرجال مو انا

وداييم لما اشكي لأمي تقولي لسى ماشافك بس مكالمات مايقدر يحبك ويشتاق لك وانتو بس مكالمات قلت مو مشكله بصبر للملكه

وتملكت الحمدلله وماجا يشوفني الا بعد الملكه باسبوع بحجة انه مشغول شوي وجا هذاك اليوم وشافني وانا ولله الحمد انسانه جميله وتعشى عندي بس ماحسيت لو دقيقه بنظرة حب او اعجاب ولما طلع عندي ماكلمني ولا شي ولا علق علي ولا على شكلي وكل يومين صار يجيني ومامسك يدي لا مرتين يمكن

ومرت الايام وارسلت له يافلان تحبني ؟ كاني اتدلع قالي وش رايك قلت عادي مو مرره وهو كان بالدوام وطلع وكلمني وقال انا مااقدر اقول اني اموت فيك بس احبك والحب الحقيقي يجي بعد الزواج انا انصدمتتتتتتت من كلامه عني الا افكر فيه صح

المهم لما طلع من الدوام قال بجيك شكله ضميره انبه ولا ماادري ايش السالفه وجا عندي عادي ماكان فيه شي

وبعدين قررت افك ملكتي مااقدر اتحمل اكثر من كذا ولا قلت ولا شي وارسلت له مسج اني بفك الملكه وقلت له عشان انت ماتحبني وانا مااقدر اقعد مع احد يمكن بعد الزواج يحبني او لا وانصدم مرررره ماتوقع

المهم دقت امه وهي مصدووومه وتبكي وقالت خليها تفكر لاتتهور وانا بسآل ولدي ليه يسوي كذا

ولما سألته دقت وقالت اني سألته ليه ماحبيتها ماعجبتك قال لا والله عاجبتني جميله وانيقه وكل شي وبالخطوبه حنا احلى مايكون بس لما شفتها بالملكه شفتي شي بكتفها غريب لونه بني غامق زي الدائره
ماادري وشو ولما سألت امه امي عن هذي الدائره قالت هذي وحمه صغيره من يومها صغيره وهي فيها انا انصدمت من السبب ترك كل شي فيني هذاك اليوم ترك شعري وجسمي ولبسي ويطالع فيها وليه ماصارحني
تخيلوا اول مره يشوفني طلع مني متضايق عشان هالوحمه شوفوا التفاهه قالت امي لأمه لو كان يحبها صدق مادقق على هالشي السخيف قالت الأم خليهم يشوفون بعض ويشوف الوحمه يمكن يحبها !!!!!!!!!!

في اوقح من كذا انا رفضت وقلت خلاص خلو ه يطلقني ورفضت الام تقول احنا شارينك لازم تفكرين زين
ساعدووووووني ايش اسوي

مع ان الولد كل احد يمدحه مافي احد قال عنه شي شين بس وش الفايده