الله يعينك أخوي على مثل هاذي الزوجه وهاذي الزوجه ماتمثل إلا نفسها لأن النساء يختلفن في أشياء كثيره وأنا هنا أقول لك إن الكثيرمن النساء يوجد عندها شفقه ورحمه وحنان وإحترام لزوجها وأن الصفات إللي تحدثت عنهالم تنقرض
وموجوده بس أنت حفظت الآيات إللي كتبتها في موضوعك ونسيت تاخذ بحديث الرسول عليه السلام يوم أخترت زوجتك
النبي عليه أفضل الصلاة والسلام قال ) إظفر بذات الدين تربت يداك (وأنت أخترتها بنفسك فليش التذمر الآن من تصرفاتها وحتى عيالك كرهتهم ليه ياخوي ذولا أولادك قطعة منك وش ذنبهم تنعكس حياتك أنت والمدام على نفسية أولادك يا أخي لوماقدرتوا تتفاهموا مع بعض خلاص يا أخي تزوج الشرع حلل لك أربع وفراق بمعروف أفضل من عيشة وكأنكم أعداء لأن الحب مو موجود أشوفه بينكم زوجتك همها مادي وأنت ماقدرت تصبر وتتحمل ومعاك حق زوجتك هاذي تجيب المرض ريح نفسك ودور لك وحده تعزك وتحافظ عليك وتقوم بواجباتك وحقوقك وقبل كل شى تحترمك أنت إبحث وراء الزوجه المستقيمه الملتزمه بدينها إللي تخاف الله فيك وتراعيك وزوجتك الأولى عجبها هي وأهلها عجبها وإلا بالطقاق بوابة المحاكم قبلها هاذي هي شين وقوي عين علا تقصيرها تبغى تذلك بعد
شد الحبل ولاتنخ ياإنها تطيعك وتنفذ طلباتك وإلا ترى أكثر أهل الدنيا النساء بدالها ألف بنت تبغى الستر وأنت مخليها تمرمط فيك على كيفها وخير إن شاءالله حتى لو أبوها وزير مايحق له يتدخل بحياتتكم أبد إلا إذا أنت طلبت منه يتدخل بينكم بالمعروف ونصيحتي لك مثل هاذي الزوجه مايداويها إلا إنك تحط وحده على رأسها حتى تصحصح من إللي جالسه تسويه فيك وياليت إنك تاخذ وحده تكون صاحبة دين وتكون أسرتها
مستواها أقل من مستوى أهل زوجتك الأولى حتى زوجتك تحس بأنه أنت ماهمك الشهره والمال والمستويات العلميه كثر ماهمتك الأخلاق وحسن العشره وإحترام الزوجه لزوجها أتمنا إني أطلت عليك الله يوفقك لما يحبه ويرضاه وفيه مصلحتك دنيا ودين .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله