وأنا أقول وش فيه المنتدى منور إلإ أثر قمرنا فيه روح الطير كيف حالك وكل عام وأنتي طيبه وبصحه وسلامه لا لا ماهقيتها منك ياروح أنت بحكمتك وعقلك وفهمك تتضايقين من مثل تلك الأشياء أختي إذا الشخص سافر لدوله برى
فشئ أكيد إن كل دوله لهاأنظمتها وقوانينها ومستحيل تلاقي في هاذي الدول مكان خالي من هاذي الأشياء
وأنت تعرفي إن مشروباتهم سوقها مايمشي إلا في الأماكن الترفيهيه وهاذي الأماكن فيها الصالح والطالح وأنت ماشاءالله عليك أكيد شايفه وعارفه أكثر منا لاتضايقي روحك ولاشئ ولايهمك كلام الناس لايودي ولايجيب أهم شئ أنت ثقتك بزوجك والحمدالله زوجك رجل مستقيم وعارف كل شئ وشوفي بيحرم نفسه من هوايته علشان يرضيك ومن ناحية إختلاط لاتاخافين عليه لأن كل وحده تجي المكان معها زوج أوصديق
من الأفضل تريحي بالك وتنبسطي أنت وزوجك وخلي حياتكم في سفركم مليئه بالذكريات الحلوه وشكل لا اللعبه ولا المكان مأثره فيك مثل تأثير الكلام إللي سمعتيه من زميلاتك عن زوجك ودقهم بالكلام حبيبتي ذولا الناس لوشافوا زوجين مبسوطين ويحبوا بعظ ومتفاهمين تلاقين الغيره والحسد ماليه قلوبهم ومثل تلك الأصناف من الناس تدور الهفوه على ذولا الزوجين علشان يشبون أول شراره في حياتهم ويتمشكلون وتصير حياتهم نكد وهم وغم فلاتتركي لمثل تلك الأشكال تأثير في حياتك الزوجيه وعيشي حياتك وتمتعي مع زوجك ولا تكتمين الرجال خليه يتنفس ويمارس هوايته ترى إذا حبيت هوايه والله إنه صعب تفكها بسهوله أنا أموت بلعب البلاي ستيشن اليوم إللي ما أحصل أحد يلعب معي من عيالي أحس أصابعي تاكلني وألعب أنا والكمبيوتر بس ما أحسه حماس مثل
ماتلعب مع شخص ثاني يقابلك بالعبه
مسكين زوجك بيترك لعبته علشان يرضيك والله إنه يحبك الله يسعدك ويديم الحب والسعاده فيما بينكم يارب
وإن شاءالله ربي يوفقك في دراستك وترجعون بالسلامه يارب أستودعك الله الذي لاتضيع ودائعه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله