يالله
ماادري ليش طحت على هالموضوع الفجر
العالم نايمة
وانا ميتة ضحك

طيب
انا عندي قصة شعبية
تصلح ماقبل النوم
يحبونها بناتي وأبوهم


فيه واحد اسمه عصفور وزوجته جرادة
كانو فقراء على قد الحال
ومو ملاقين ولا لقمة العشاء
وكل مايحاولون يترزقون الله
يفشلون

المهم

عصفور مل
وقال لجرادة:بروح أضرب بالارض وبترزق ربي
والديرة اللي رزقنا فيها مو اللي ولدنا فيها
رفضت زوجته تروح معه
وقالت انت فاشل فاشل لو كل الناس نجحوا وخلك بس بين ناسك
قالها انا رايح رايح
بتروحين حياك

المهم
راح عصفور وهام على وجهه بين الديار
لحد ماوصل أحد القرى وكان فيه مزرعة
استظل بظل أحد الاشجار
وشاف مرتين يسبحون بالبركة
وحدة منهم حطت خاتمها على جدار البركة
وجت بطة وأخذت الخاتم وأكلته
وهو يراقب الوضع

انتبهت صاحبة الخاتم ان خاتمها مو موجود
وصارت تهاوش الثانية
وقالت لها بعلم زوجي عليك ليه تسرقين هديته
قالت انا اللي بعلمه ومو انتي الوحيدة اللي هداك حتى انا اهداني

>>فهم ان زوجهم واحد
طلعوا من البركة وهو راح للسوق
سمع الناس يتكلمون بأن زوجات الامير متهاوشات وان وحدة منهم تتهم الثانية وان الامير كتب جائزة كبيرة للي يكشف السارق

هو فرح
وراح للأمير
قاله
انا اكشف السارق من شكله
وراح اثبت لك
..
قال لهم عصفور
خلو المتهمة تمر قدامي
مرت المتهمة قال بريئة
قال خلو الحرس يمرون قدامي
ومروا واحد واحد
قال بريئين
قال الخدم
ولما مروا قال بريئين
قال بنبدأ بالحيونات
جيبوا الابقال
وبعدها الدجاج
وبعدها البط
وبعدها الارانب
ولما وصلت البطة اللي يعرفها
قال بس
هذي الحرمية

قال الامير اكيد
قال اكيد

وذبحوها وحصلوا الخاتم

قال الامير
انا بعطيك الجائزة
بس ابيك تكون معي بالقصر
ولك اجرة مع السكن والمؤونة
طبعا وافق

وانتشرت هالسالفة بالقرية
وصاروا الحرمية مايسرقون

وبعد ست شهور من الامان
وعصفور مستانس بالخدم والحشم
سرقت خزنة الامير
واهتز القصر
وعلى طول طبعا نادوا عصفور
قاله الامير يالله طلع السارق
بكى عصفور وقال انا مااعرف ومن هالحكي
قاله الامير لك عشرين يوم اما عرفت الحرمي بقص رقبتك

حطوه بالسجن
وحطوا عليه حرس من الحرس الاميري وعددهم عشرين
ولما راح يوم
وكان عصفور حزين
ويعد الايام
قال ايــــــه ياعصفور
هذا واحد من العشرين
انهبل الحارس
وبلغ الحراس انه كاشفهم
قال رئيسهم بنحط عليه 2 ونشوف

ولما خلصت الليلة الثانية
قال عصفور بحزن
ايه هذا الثاني من العشرين

وحطوا ثالث
ونفس الشيء قال عصفور هذا الثالث من العشرين

وخلاص الرئيس عرف انه مكشوف مكشوف

جاء عند عصفور
وقاله بنساعدك ع الهرب بس لاتعلم علينا
قال انا احب اموت موتة شريفة ولا اعلم على امثالكم

ولما خلصت العشرين
وسأل الامير لعصفور تحت تهديد السياف من السارق
قال الحراس

وفعلا لقوا الخزنة عند الحراس

وصارت الناس تمشي وتذكر فراسة عصفور

لحد ماوصل الخبر للملك
وأمر بعصفور
وفعلا حضر

قاله الناس كلها تتكلم عنك
وصرت شخص مشهور ومعروف

بس أنا مااصدق انك عندك هالقدرة العجيبة
وبسوي لك اختبار
إن نجحت لك نصف ملكي
وان رسبت بقص رقبتك
وحطوا 3 صناديق قدامه
الاول فيه تبن.. والثاني عصفور ... والثالث جرادة
وقاله يالله وش فيها الصناديق
هو احتار وصار يطالع فيها
وحس ان نهايته اقتربت
قال كل تبن ويأشر ع الاول
ياعصفور ويأشر ع الثاني
ليه ماطعت جرادة ويأشر ع الثالث

اندهش الملك
وعطاه نصف ملكة
وجاب جرادة معاه

وتوتة توتة خلصت الحتوتة