الله يكون في عونك صراحه أنا أشوف زوجك إللي يبغى له دكتور نفسي لأنه مشكلته ماهي بالرومنسيه وبس هاذي بسيطه مع الوقت وزيادة جرعاتك له من الحب والحنان والدلع وقربك منه يرجع ينصلح الحال إن شاالله بس بصراحه أنتي الحين دخلتي سالفة تحرشه بأختك ومنعه من دخول بيت أهلك زوجك هاذا
جاب المرض النفسي لك ولأختك وبعدين أختك عمرها 14سنه هاذي كبيره وش جابه لها وش وداها له تكشف عليه وجهها يعني مافيه حدود في الشرع عندكم متى البنت تغطي وجهها عن غير محارمها أصلن نزع الحجاب هو سبب خراب الناس وبلاويهم من تحرشات وزنا وإغتصاب الله يستر كل مسلم ومسلمه بس بسألك أنتي كيف تأكدتي من أختك إنه تحرش فيها زوجك أنت الحين عندك مشكلتين الأوله زوجك جاف وغير عاطفي والثانيه سالفة تحرشه بأختك كل ماتذكرتيهاأثرت في حياتك الزوجيه الأوله فيه بعض الرجال طبعهم كذا مايعرف المدح وكلام الغزل والدلع والحب ولا حتى الحركات مثل الضم واللم والتقبيل لزوجته هاذا علشان الأسرة إللي عاش فيها تلاقينه أنحرم الحب والحنان والكلام الحلومن أهله علشان كذا يا أختي أنتي أخذتيه وعمره 38سنه صعب تغيريه عن طبعه وعن الشئ إللي تربى عليه حتى بعد عشر سنوات زواج صعب يتغير بسهوله أنت صارحيه وكلميه وقولي له أنا أحب تسوي كذا وكذا وإشرحي له وجيبي له مطويات وهناك كتب تباع في فن العلاقات الزوجيه وطرقها وشرحها وحتى في بعض المنتديات إذا كان زوجك من محبي النت وهناك كتاب إسمه تحفة العروسين
هاذا كتاب مفيدجدا حاولي تجيبيه له يقرأه إذا كان من محبي القراءة وأنت يا أختي لاتفكرين إن كل الرجال مثل ماسمعتي عنهم من رومنسيه وحب وكلام غزل شوفي ترى كلام التلفزيونات والمسلسلات وقصص الحب والرومنسيه كلها كذب وخراب بيوت وبعض الحريم تتمدح بحركات زوجها ورومنسيته وهي تكذب علا إللي عندها بس تبغى الرزه بينهم بأن زوجها رومنسي ومدلعها لآخر شئ ولاكن في المنزل العكس عاد إنتي إحمدي ربك زوجك يعطيك حقك الشرعي وعافك في نفسك لاكن غيرك في هاذا المنتدى قصص تشيب الرأس لها بسبب هجر زوجها لفراش الزوجيه
أنتي في نعمه من الله بالنسبه لسالفة أختك الأفضل أن تنسين هاذي السالفه بالذات إنه مضى عليها وقت وإن زوجك ماعاد يدخل بيت أهلك وهاذا أكبر إهانه له وعقوبه علشان يحس إنه تجاوز حدوده وقل أدبه مع من جعله في مقام إبنه وأعطاه بنته وجعله فردا من أفراد العائله هاذاإللي قدرت عليه وأنا متأكده
إن هناك في هاذا المنتدى من هم أكفئ مني ويمتلكون خبره في مثل تلك المواضيع ومتأكده بأنهم سيأخذوا بيدك لبر الأمان أختي في الله وفقك الله وأصلح
حال زوجك إلى الأفضل وشفى الله لك ولدك وجعله قرة عين لك وبارا فيك إن شاء الله .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله