أهلك ماسألوا عنه كويس ؟

يعني مسألة الإدمان راح تتضح لو كان السؤال بدقة !

شوفي حبيبتي مادمتي على البر حتى لو إنك تملكتي لازم تتأكدي من الأشياء المهمة هذي

مو تدخلين عليه وإنتي للحين محتاره وخايفة

لو عندك أخ أو خال أو عم قريب منك خليه يعزمه بمكان كوفي شوب مثلاً من باب إنه يتعرف عليه

والرجال يعرفون بعضهم خصوصاً لو كانوا شباب مثله من هنا تتأكدين لو كان فعلاً مدمن أو لا

وإذا شي غير الخمر ممكن ينبان من عيونه بس أهم شي لازم تتحركي الآن لا تندمي بعد ماتتزوجي

من حقك تتطمنين ولا تسمعي للناس اللي بس يمشون موضوعك لأنه بالأخير ماراح يندم إلا إنتي

أنا ماأخوفك لأني كنت في يوم ما في نفس مكانك ونفس التجربة والحمد لله طلعت منها بعد ماتأكدت إنه

نهائياً مايناسب لي صحيح بعد عقد القران بس الحمد لله أفضل من إنك تتزوجينه وتنفصلين قدام كل الناس

أنا وقتها ماسمعت إلا للي فعلاً يهمه أمري وماارتحت إلا لما تخصلت منه ومامشيت الموضوع مثل ماكانوا بعضهم

يقولون عااادي لاتحكمين بسرعه لكن فعلاً لأني ماارتحت وحتى وصلت لكرهه والحمد لله جاني من بعده زوج احمد الله

إني ارتبطت فيه ماشاء الله عليه عوضني عن كل الضيق اللي كنت فيه

انصحك نصييييحة من كل قلبي ادعي ادعي كثييييييير في صلاتك يكتب لك اللي فيه الخير واستخيري وشوفي

اللي ترتاحين له ربي بيدلك على الخير بإذن الله

ربي يوفقك ويكتب لك الخيرررر يارب .