منتدى عالم الأسرة والمجتمع - عرض مشاركة واحدة - خطيبتي طلبت مني "iPod" للعيد اشتري لها ام لا؟

13-11-2010, 03:52 PM

#14

خاله بيتا

عضو المنتدى الفخري

تاريخ التسجيل: Jun 2010

المشاركات: 9,516

بما انه قلبك طيب وبتحب خطيبتك راح تشتريلها الاي فون 4

بس بحب أنبهك لشغلة عشان ما يروح كل تعبك عالفاضي ...

اول شي ما تتوقع منها ردة فعل جهنمية لانه ما راح يتغير طبعها بين يوم وليلة لكن اكيد راح تزيد معزتك بقلبها واكيد راح تكون ممنونة إلك .. ومره ع مره بتشجعها تظهر حبها لك بأفعالك مو بطلب منك ..

تاني شي ..
لما تحكي معها خليك حريص بالطريقة اللي بتقولها فيها عن سعره ... لا تخليها تحس انك بتمن عليها ...قولها مثلا ... بتستاهلي حبيبتي اكثر من 360 $ حق الاي فون وياليت كان معي اكثر كان جبت لك اكثر .... ومع اني راح أنحرم طلعات لمدة شهرين حتى أحوش سعره لكن فرحان اني قدرت اشتريلك اياه ...
هيك بتوصل لها المعلومة عن سعره وعن تضحيتك وبدون ما تحسسها انك متضايق من الشغلة ...

بتذكر زوجي اشترى لي جزمة (تكرم ) ببداية زواجنا من لندن وكان سعرها حوالي 300 $ .. ولما أعطاني اياها ..قالي بس ديري بالك عليها ولا تلبسيها هيك وهيك ...وصايا طولها صفحات .... طلعت نفسي منها وما لبستها من خوفي عليها ولاني حسيت انه يمن علي فيها ... وظلت بالخزانة سنين ما لبستها ولا مرة الى ان بليت بمكانها ....

ادعيلي يتوفق ابني ببنت حلال تعجبه ...تعبت وانا ادور له

ربي يهنيك ويسعدك