الحل معروف ... وقضية الأخذ والرد ألحين مامنها فايدة ؟؟
الحل ::: الأخت صابرة لازم تكون متزنة أكثر
والأخ مطر ::: خلك عادل يا أخي
بعطيك من تجربة والدي الله يحفظه يمكن تستفيد
//
البابا متزوج ثنتين أمي " الأولى " وخالتي < مرت أبوي " الثانية "
آنا من الأولى ..
البابا قرب الماما من خالتي بشكل كبير ..
وخلانا كلنا في يت واحد ..
والماما وخالتي على طول مع بعض كأنهم أكثر من أخوات
البابا شمسوي ؟؟
إذا قعد مع الماما ساعة يقعد مع خالتي ساعة
إذا قبل لا يسافر بليلة نام مع الماما ... بعد ما يرجع من السفر ينام مع خالتي
إذا عطى أمي " دونات " يعطي خالتي " دونات "
يعني عادل ولله الحمد في كل شي
وحتى أخواني من الماما وأخواني من مرت البابا على طول مع بعض
والبابا إذا أعطى أحد منا شي يعطي الكل مثله
وإذا مثلاً البابا كان في الشغل واتصل في الماما بس يسكره من عند الماما يتصل في خالتي
وحتى مثلاً إذا بطلع مكان مع مرت البابا أو باوصلها مكان بسيارتي .. دايماً تقول لي يا بنتي
وتشتري لنا كل اللي نبيه
والماما بعد نفس الشي ..
لأن البابا عادل وحكيم فـ الماما وخالتي متفاهمين جداً
حتى خالتي تقول حق البابا .. مثل زوجتك الأولى واهلها ماراح اشوف طيبتهم وبخفة روحهم وبطيبة قلوبهم
وخالاتي << أخوات أمي ... إذا مثلاً مرت البابا بتسافر يزورونها
ومرت البابا إذا سافرت تجيب لهم هدايا
=) أنت سوو مثل البابا الله يحفظه ... وبترضي الطرفين