المشاركة الأصلية كتبت بواسطة بنت الحكمي

أقول لاتطوليها وهي قصيره الحين بعد ماتشوفي ردي هاذا أبغاك تقومين على المرايه قربي منها أول شئ

وأبغاك تفتحي عينك بيدك تفتحيها صح وأبغاك تشوفين إيش اللونين إللي داخلها وتردين علينا أختي في

الله السمر والبيض حلوين لونين داخل العين وأنتم بسماركم أحلا من البيض لأنكم في نون العين السمار

نعمه من الله من جدك متعلمه وتفكيرك كذا هاذا إحباط من وساوس الشيطان ........ وين طعمه أحلى

الحليب وإلا الشكولاته زوجي زملائه إثنين منهم يقول الواحد أبيص وش بياضه وتزوجوا عند عوائل سمر من

شدة حبهم لسمر

وأخيرا كلنا عيال تسعه شهور وأبونا آدم وأمنا حواء وتبغين الصدق أنا عاجبتي صفه بالسمر تدرين بويش

تتميزون عن البيض ببياض سنونكم بصراحه لي جاره والنعم فيهاسمراء مره بس مملوحه وحلوه وسنونها

بيض ماشاء الله لؤلؤ دايم أمزح معها أقول لها أنا بشلحك سنونك هههههههههه أنت إدعي ربك بإبن الحلال

إن شاءالله ربي يرزقك به عن قريب ولاتقولين بظلم إبن الناس إللي يسمعك يقول كأنك أنت إخترتي لونك

موخلقة ربنا إلا محضوض من تزوج سمرا

قدام يومين لقيت خبر بجريده وفيه إن فيه حرمه أنجبت تؤام بنت وولد وطلعوا البنت بيضاء وشعرها أشقر وعيونها زرق

والولد أسمر بس ماشاء الله جميل وحليو وطلعواصورة أمهم سبحان الله أمهم سمراء لونها برونزي وأبوهم

أبيض وشعره أشقر الطفل شبيه أمه والبنت شبيهة أبوها سبحانه الخالق تجلت قدرته في حمل واحد بتوأم وطلع لونهم مختلف

ليش هاذا اليأس وهذا التفكير عيشي حياتك وإنبسطي ولا جاك إبن الحلال تزوجي ولاتلتفتين للبيئه إللي

حولك وتسمعين كلامهم شكلك قد حصلت لك مواقف مع أحد وتكلم عليك بلون بشرتك وأنتي فقدتي ثقتك

بنفسك شوفي ياحبيبتي بعض الناس ذولا إللي مسوين نفوسهم ملائكه على السمر ذولا أنا شخصيا

أعتبرهم مرضى نفسين ويبغىى لهم علاج نفسي و إعادت تأهيل من جديد وتقويم وإصلاح لسلوكياتهم

لأنهم غير أسوياء ماعليك من ذا التفكير وإعتزي بدينك وأخلاقك وطالعي من حولك كم سمر متزوجين

ومتوفقين بحياتهم الله يسعدك ويكتب لك إللي فيه الخير.