المشاركة الأصلية كتبت بواسطة روح الطير

لي وجهة نظر مختلفة معذرة

خطيبتك مافي أي ( عقد شرعي ) بينك و بينها ، و كلامها و جرأتها .. كأنها تتكلم مع شخص غريب
كيف الأغلبية يقولوا عادي ؟ و تفضفض عن مشاعرها ؟؟؟؟

هل نحن تربينا كذا ؟ ماعرف عنكم في مصر ..؟؟؟
لكن الدين و الشرع نفسه في كل الدول و كل زمان .. مو صح ؟؟؟

بأي حق تتجرأ هي في الكلام ( العميق ) و نحط مبررات بإنها حاولت ترضي خطيبها ؟
اللي يرضي الناس على سخط الله ، نعرف مصيره و العكس كذلك

فيه أحد يجامل في الدين ؟؟؟؟
الكلام هذا ما أتعلمته مع زوجي غير بعد فترة ملكة امتدت 9 أشهر + بعدها زواج
الخجل و الحياء هو اللي منعنا ، مو غباء و لا برود ..


طيب خلينا نقول إنه لها ( أسباب وو أعذار )
هل هذا الشئ يعطيها الحق في التمادي مع رجل ، قابلته ساعتين فقط ..
( إذا جمعنا النص ساعة في الأربع مقابلات ؟ )

لو الرجال فكر بقلبه ، قلنا له فكر بعقلك ..
لو الرجال فكر بعقله ، دخلنا له من باب العواطف ..


أخوي ،، لا تتمادى معها في الكلام اللي زي كذا
لإنه ما يجوز ، كأنك تتكلم مع إمرأة أجنبية عنك و ما تحل لك

إنتوا لسى في البر ..
و استخير

مو معنى كلامي إنه لها تجارب لا سمح الله و لا أشكك في الشئ هذا أبدا
لكن الشئ اللي ماحد يختلف عليه أبدا ، إنها بالفعل ( جريئة و بقوة )
إيش أسبابها ؟ الله أعلم ..