المشاركة الأصلية كتبت بواسطة روح الطير

مشكورة عزيزتي لمني بشوق

لإنه خطر في بالي ، إنه فرضا أخدت البطاقة منه ..
هل راح تضمن مستقبلها ( الزوجي و العاطفي ) معه ؟؟؟؟

صح راح تضمن مستقبلها المادي بإذن الله

و مافي شئ مضمون في الحياة هذه أصلا

لكن في نفس الوقت ، ما راح تضمن السعادة معه ..
إيش اللي راح يرجع السعادة لها ، إذا فكر وقتها إنه يتزوج وحدة موظفة
و تقول له أعطيك البطاقة في يدك ؟

ما نقدر نحن الأعضاء إننا نحكم ، زوجها إيش طبعه و تفكيره ؟؟؟
هي قالت ما يقصر معاي ؟ يمكن البطاقة في يده و في نفس الوقت موفر لها أشياء
فوق اللي في حسابها ؟؟؟

سؤال :
هل كل وحدة متزوجة و بطاقة الصراف في يدها .. قدرت تضمن لنفسها سعادة زوجية ؟؟؟؟

- سمعت مرة بإنه هناك طبيبة كبيرة في العمر ، تقول خذوا شهاداتي و فلوسي بس أبغى زوج
علشان أشيل طفل في حضني ،، فالفلوس مو كل شئ

الفلوس علشان ( تسعدنا ) و لو بتجلب التعاسة لنا ،، فمانبغاها ..


يعني عشان أكون منصفة ، لو أختي مكانها .. أكيد بأنصحها إنه خلي بطاقتك في يدك
من خوفي عليها و حبي لها .. بس هي دورها إنها توازن الأمور بنفسها و ما تسمع أي شئ ينقال لها


و مع العلم إنه لي حساب و كانت أمي نفس الشئ تنصحني و لحد اليوم إني أوفر للمستقبل
كنت بأخرب بيتي بسبب النصايح هذه .. لإني كنت أقيس حياتي مع حياة الاخرين و أقول خلاص ،
أي رجال يصرف على زوجته .. خلاص أنا كمان ، و هذه حقوقي ووو إلخ


بعد كذا فكرت مع نفسي ؟ لو صار شئ لا سمح الله لزوجي ..؟؟؟
هل فلوس االدنيا راح ترجعه ؟؟؟ لو شريت أرض و أملاك ووو إلخ ، و خسرت زوجي و استقرار عايلتي
هل الفلوس بترجعها ؟؟؟

شايفة زوجي يوم يكون معاه ، ما بيقصر معايا و لا على البيت
بس بطاقتي الصراحة في يدي و مرتاحين كذا


عن نفسي ، و كل وحدة حياتها مختلفة عن الثانية
فبأشيل جزء و أصرف على نفسي و أساعد في البيت ( طول ما زوجي بيصرف عالبيت )