ياااالله على أيام المدرسة :""(
أقول دائما لنفسي إذا ربي أكرمني ودخلت الجنة أول طلب بأطلبه ربي إني أشوف أيامي لما كنت بالمدرسة ..!
...
مافيه شي مميز غير إني كنت قيادية جريئة وخيالية زيادة عن اللزوم ..
من أولى ابتدائي لما ثالث ثانوي كانت الكلمة المشتركة بين كل أستاذاتي لأمي إن بنتك حررركة وماتجلس على حيلها أبدا
الحين واحد من أخواني أخذ مني الحركة الزايدة كذا كل يوم معلمينه يكتبون له بدفتر المتابعة وبابا يعصب منه ، قلت له لاتعصب أنا كنت كذا وما ضرني
ووحدة من أخواتي أخذت مني الخيال الزايد ، لدرجة إنها قالت لصديقاتها إنها بنت الملك فهد
وبنتي أخذت مني القيادية ، تقولي ياماما صديقتي مرة كان معها بسكوت وقلت لها عطيني ومارضت ورحت وديتها عند الفصل قدام البنات وقلت لهم: شفتو هذي الأناااانية
...
حاولت أتذكر مواقف انكسرت فيها ، الحمدلله كل أستاذاتي في كل مراحلي التعليمية كانو من النخبة .. الله يسعدهم ويوفقهم ويرحم من مات منهم ..
بس أذكر إني كنت في ثاني ابتدائي وبين الحصتين احتجت لدورة المياه والأستاذة لسى ماجت وخفت أطلع بدون استئذان ، وآخر شي صار الي صار
ماأنسى كيف كنت أصيح وقتها ،، متفشلة من صديقاتي لايشوفوني ، ومنقهرة من الأستاذة الي ماجت ، والحين أقول سبحان الله الفرق بين الأجيال ، الحين البنت والأستاذة واقفة تطلع بدون استئذان وأنا ياحياتي علي سويتها على نفسي وأنا أنتظر الأستاذة تجي عشان أستئذن :"(
...
حركة القراءاة وتمثيل السرحان ضحكت عليها
لأني كنت ومازلت أمارسها
أدرس الحين لغة و لأني من أشطر البنات في الفصل الحمدلله ، الأستاذة صارت ماتخليني أجاوب كثير وإذا سألت تأشر لي بيدها اصبري عطي زميلاتك فرصة يحاولون ، فصرت أحاول إني أسكت ، لكن لاحظت إني لو أقعد ساكتة طول اليوم ماراح تخليني أشارك أبدا ولا تسأل عني !!
صرت أمثل إني أسرح أو أمثل إني مو فاهمة عشان تخليني أجاوب
...
موضوع ممتع والكتابة فيه مريحة : )