اقتباس:
المشاركة الأصلية كتبت بواسطة غايتي الرضا
رويدكم ياإخوان
أعرف أنني تنازلت وذهبت ولكن
في موضوعي السابق عمها أخبر أنها ترغب الرجوع وأنا الذي أرفض وأريد المهر وارسل لي الوسيط وهذا من رمضان
أنا سمعت أنها متحسفة وتريد العوده وخائفه أنني أعايرها برجعتها
أهلها مستأين من تطنيشي أكثر من 10 شهور وحتى إبني ومصروفه وقد أتاهم بلاغ بدعوى المحكمة لحضور جلسة ولم يحضروا
ولذلك ينتظرون مني المبادرة لأنهم شعروا أنني غير راغب وجافي وهذا ما أخبرهم به أحد الوسطاء أنني جفوت وعزفت
الزيارة كانت لهم مفاجئة طلبنا الاخ فلم يكن موجوداً وذهبنا لبيت الجد الذي بجوارهم واخبرناه انني على العهد ان تريد العوده والا فالفراق ستترتب عليه امور نريدها ولابد الليلة نقابلهم جميعاً وتم اللقاء واحضرت الوسيط
فلمادخلت وخرجت هي كانت في فراشها مريضه وان احسنت الظن انها اتت لتعطينا تنبيه انها ترغب ولكنها مريضه لاتستطيع الكلام بشيء مع المرض والزيارة كانت مفاجأة بعد هجر طويل
أنا تأكدت أنها من فترة قريبه أخبرت صديقتها أنها تريد العوده
وتأكدت أنها على فراشها وحرارتها 40 ولاتتحرك
عموما الجلسه القادمة يتضح كل شيء وان كانوا ينظرون لي بضعف فلن ارضى ابداً بااي شي
انا قلت لهم كلمتين اريد العوده والنفوس صافيه ونغلق الماضي
وقلت لهم التوفيق من الله ولكن نية الطرلافين الاصلاح فاانا طرف اريد الصلح فاذا نوت هي كذلك نضمن التوفيق ...
|
استغرب طولة بالك وحبالك طوووووووووووووووووووويله
سبحان الله كلا ميسر لما خلق له
ياخي الحرمه غيرها الف
وش الي مصبرك على المرمطه والاهانات والاخذ والرد
والله العظيم لو شافوك جاد وحازم من اول مشكله ماوصلت لهذي المواصيل
الحرمه الي بتحافظ على زوجها وبيتها تصبر لو كانت عايشه في الجحيم
والحرمه الي تبي زوج تفصيل تلاقيها كل سنه مع زوج جديد
اقراء مشاكل وشكاوي النساء هنا وتعرف قد ايش تحملو ولازالو يتحملونالى ان يرث الله الارض ومن عليها
هذي هي الحياه بكل واقعيتها مافي شيء كامل سوى الله سبحانه وتعالى ثم الاسلام
لازم مشاكل وتنغيصات وابتلائات وهموم والمراه الطيبة المعدن تصبر وتتحمل مهما كانت الضروف
ياخي عز نفسك ارفع راسك صون كرامتك لاتلعب فيك حرمه ولا ارحامك
والله ثم والله ثم والله لو كنت مكانك لكانت هذه المراه من الماضي المنسي في حياتي
وش الي حادك عليهم ومصبرك على كل هذي المرمطه
هذا وهم يبغون الرجوع كرشوك وقالولك تعال بعد اسبوع
ليش معامله في دائره حكوميه هي
زوجتك على ذمتك مالها الى كلمه ورد غطاها تبين ترجعين مشينا الان ولا الله لايردك
لازم تستئذن من الماما والبابا وطنط تفيده
مابقى الى يسون لك جدول لحقوقك الشرعيه وبالمواعيد والعدد والكم والكيف
اسئل الله ان يدلك على الصواب ويسهلك طريق الخير
رفعت ضغطي الله يصلحك وكاتبلي عاجل
__________________
لن يكون شيء في الكون الا ما اراده الله سبحانه وتعالى فلاتبتئسو ولاتحزنو بل اصبرو وتفائلو