منتدى عالم الأسرة والمجتمع - عرض مشاركة واحدة

31-10-2010, 01:49 AM

#36

خاله بيتا

عضو المنتدى الفخري

تاريخ التسجيل: Jun 2010

المشاركات: 9,516

اقتباس:

المشاركة الأصلية كتبت بواسطة كافي عذاب

اتمنى ينصلح حاله بس مااتوقع

واحس الرجعه صارت صعبه علي مررررررررررره

خاصه اني انا الي اشتكي منه وهو الغلطان علي قام يتشرط بعد عشان يرجعني

اه بس والله احس اني كارهه الدنيا ومافيها مادري ليه حظي كذا

ليه مو حاسه اختي بحلاوة اصراره على رجوعك له .... حتى لو كابر .... انتي عارفه انه هذا طبعه وهذي طريقته وما راح تتغير بيوم وليلة ...لكن أكيد انه اصراره على رجوعك له شيء ايجابي بعلاقتكم وتطورها .. بدأ يحس بقيمتك بحياته ... خليك على موقفك لكن لا تفكري تفكير سلبي ..

اللي صاير الحين هو البداية بس ..وانتي بيدك تغيريه بقوة شخصيتك ومحافظتك على حقوقك حتى بعد رجوعك لبيتك ...

لكن غاليتي أهمس بأذنك وأقولك ..الرجل يحب يحس بأهميته بحياة شريكته مثل المرأة بالضبط ...

اجلسي معاه بعد ما يوصل اخوانك لاتفاق معاه ويبلغوك انك بترجعي له ..اطلبي منهم تجلسي معاه قبل رجوعك ... كلميه بلطف وقولي له انك ما تستغني عن أبو بناتك وانه هو سندك وظهرك ورجل حياتك وانه أكيد هو اللي بيحميك من كل سوء وما راح يرضى لك بالظلم .
اقتربي منه وامسكي زر من ملابسه قربك منه بيساعده على تقبل كلامك وبيخفف صده لك ....قولي له ...شوف هذا الزر ...لو ضغطت عليه كفاية بينخلع من مكانه ..بينخلع غصب عنه ...صح ؟؟؟ انا مثله ..ما أحب أكون بمكان غير بيتي لكن اذا ضغطت علي فوق طاقتي بنخلع وغصب عني بطلع من حياتك ... ساعدني حتى يعيشوا بناتنا بجو عائلي صحيح .. احنا نكمل بعض وشركاء واذا كنا عايشين مع بعض لاننا نحب بعض بتكون الحياة كثير أسهل من لو عشنا حياتنا بطريقة رئيس ومرؤوس ... لك الكلمة الاخيرة ولك القوامة لكن بالرحمة واللطف والمودة مو بالغصب .

حاولي تقنعيه بكلام أختنا متفائلة بس بخوف ...

ما أدري اذا رأيي بمكانه ...انتي أعلم بشخصية زوجك ومدى تقبله لهذا الكلام ...

وأتمنى اخوانا يفيدونا اذا اقتراحي بمحله .