شوفي ياقلبي ابغاك تأسسي لك عند زوجك قواعد ثابته وتسعي لها لو طال الوقت المهم تكون هالشغلات ثابته
عنده يعني مهما يكون ماراح يغير رايه فيك وهيه الثقه فيك بكل النواحي من صدق ومحافظه على ماله وبيته ونفسك
وابنائك في المستقبل القريب ان شاءالله
ثاني شئ كوني حريصه على نظافتك بكل الاوقات.. نظافة الجسم من الشعر والمناطق الحساسه اهم شئ
رائحه جسمك والفم وما تلبسي لبس النوم الا وانتي اخذه دش سريع لجسمك وحاطه معطرات الجسم ونوعي فيها
بعد كذا اهتمي بأكله لانه الرجال لو جاع مايفكر الا بجوعه ولاتناقشيه حضري له الاكل واهتمي في تنويعه
عند نومه احرصي على عدم الازعاج ودايم خلي نومك مع نومه
اعرفي وش يحب وش يكره وكمان عوديه على عادات حلوه وانتي وشطارتك شوفي وش يجذبه لك
ونصيحه ودي دايم تستقبليه عند دخوله للبيت ومهما كان بيدك اتركيه واستقبليه والابتسامه والكلام الحلو كمان
حافظي على هالنقطه طول عمرك والله يحفظكم ويطول باعماركم
تعلمي فنون الدلع ع الزوج حتى لو تقولي مو لايق علي هوه بيشوفه غير
ولاتخرجي الا بأذنه لو كان عند جارتك والباب ع الباب والا تنزلي مثلا عند اهل لو كانو معاك بنفس البيت
في العلاقه الخاصه اللي بينكم انتبهي ترفضي طلبه لها حتى لو مالك خاطر وتوددي له وتجملي وتفاعلي معاه
لانه كل شئ بيحصله برا من اكل من ملابس وغسلها وكويها ومن تنظيف بيت لو فرضا ماعنده زوجه الا هالشغله من فين
راح ياخذها حطيها حلق في اذنك حتى وقت الدوره الشهريه زيدي تجمل ودلال
ونقطه اخيره مهمه وقت الدوره لاتخليه يشوف شئ من توابعها وزبالة الحمام تكرموون اول بأول تتغير ولازم تعطير الحمام
والبيت كمان من بخور وفواحات
ان شاءالله اكون وضحت لك اهم النقاط وانتي ان شاءالله مو محتاجه الله يوفقكم ويسعدكم ويكملكم على خير
واسفه ع الاطاله
__________________
حسبي الله لا اله الا هو عليه توكلت وهو رب العرش العظيم