موضوعك راااااااائع برووووعتك ...
بصراحه كانت عند زوجي زوجه وهمية وهي السيارات ... زوجي يموت في السيارات .. فتلقين نصف يومه في الورش
او الصناعية ... واذا جلس معاي اكثر سوالفه عن السيارات ومواصفاتها من اصغر قطعه لأكبر قطعه فيها .. حتى يوم
يتغزل فيني او يمدحني يشبهني بأجمل واغلى سيارة عنده ... طبعا تضايقت من الحال لأنه ماخذه جزء كبير من تفكيره
لكني ما صرحت لاني خفت انه يتجنب الكلام معي عن السيارات بالتالي ما بياخذ راحته معي .. ففكرت بطريقه تخليني
اكون انا بالمركز الاول وبعدين زوجته الوهميه ... لما اجلس معاه ... اسأله أسئلة عن السيارات
حتى لو ما ابي اعرف ... وهو يتحمس ... اشتري من محطة البترول مجلة السيارات واهديها له مع وردة ... شجعته
وساعدته على فتح معرض للسيارات والحمد لله صاروا 3 معارض مع ورشة تصليح السيارات ما شاء الله ... ارافقه لمكان
الورشه وآخذ معي كتاب واجلس في السيارة وهو في الورشه وكل شوي اتصل فيه واناديه علشان الشاي او القهوة ..
بهذي الطريقه نجحت وفزت بالمركز الاول ... فزوجي قدر وقفتي معاه ومشاركتي اهتماماته ... والحين سوالفه مختلفه
واهتماماته متعدده ... لكني اول اهتماماته ... الله يخليه لي يارب ...
هذي تجربتي حبوبه واسمحي لي على الاطاله ...والله يسعدك ويوفقك ..