أنا بقول قصص واقعيه نعرف أصاحابها فيه بنت حبت رجال من عيال المنطقه إللي كنافيها وتقدم بيتزوجها وأبوها رفض بحجت البنت لولد عمها عاد عندنا البنت تعتبر من الأملاك الشخصيه لولد عمها بدون أي كلام المهم هي ماتحب ولد عمها قام أبوها زوجها غصب عنها لولد عمها ماصار بينهم تفاهم وماطولت معاه فطلقها وحبيبها تزوج وسافر عن المنطقه بعد زواجها وبعدين تقدم لها شخص ثاني وكانت فقدت الأمل برجوع حبيبها الأول فتزوجت هاذا الشخص وكان معدد عنده قبلها زوجتين فأنجبت منه ثلاثه عيال وكانت حياتها كلها مشاكل معاه وكانت تجي عندنا البيت نسألها أنا وبنات عمي وكنامتعاطفين معهاونسألها عن حياتها تقول لنا آه يبنات مهما حصل ومهما صار ما الحب إلا للحبيب الأولي وبعد فتره قدر الله علا زوجها بحادث ومات الله يرحمه وبعدها جاء حبيبها الأول وكان متقاعد وهيه معلمه عرف قصتها كامله ورجع وتقدم لها مره ثانيه وتزوجوا بعض رغم إنهم شارفوا علا عمر الخمسين عام والحين عايشين مثل العرسان الله يوفقهم .

وعندي بعد وحده ثانيه بس أتوقع إنها كئيبه بعض الشئ وفيها عندنا شايب إبتلاه الله بمرض فشل كلوي وكان يغسل كلى فزوجته حنت عليه ومن زود حبها له ضحت بنفسها وتبرعت له بكليه من كلاها والحمدالله تمت الزراعه بنجاح وتحسن حاله وحس بروح الشباب ينبض بعروقه وراح خطب بنت عمرها18سنه وتزوج وزوجته ينار شبي ويش تتوقعون بعد ذلك يصير صارت تطالبه بكليتها تقوله رجعها لي بس لاحياة لمن تنادي


أتمنا تكون أعجبتكم وتراها حقيقه ماهي نسج من الخيال
وبعدفيه وحده قريتها بجريده فيه معلمه تزوجت شخص وكانو يحبوابعض ومتفاهمين وقرروا إنهم يبنو بيت العمر فقامت زوجته إشترت الأرض وسجلتها بإسم زوجها وطلعوا قروض وبداؤبناء بيت العمر وكانت عماره عباره عن دورين
واحد يبغوه سكن والثاني إستثمار المهم زوجها خلص البيت وقال لهابعد مانختارالأثاث بوديك لأهلك وبجيب الأثاث وأجيبك أبغى لك معي مفاجاه المهم أختار الأثاث ووداها لأهلها الحرمه جالسه تنتظر المفاجئه وزوجها أثث الدورين كامله نفس بعض وراح جاب زوجته الثانيه وخلاها بالدور الأول الرجال متزوج بالسر وزوجته الأوله ماتدري وراح جاب زوجته أم عياله الأوله وكان عندها طفلين منه وحطها قدام الأمرالواقع فسكتت في صدمه وذهول وقال لها أنابسوي إللي يرضيك وآمري وأطلبي ويش ماتبغي قالت بذكاء خلاص أناماودي بشئ غير حقي أنت تعرف إني تعبت معك في بناء هذا البيت وأريد تكتب لي بإسمي الدور الثاني وأكون شريكه لك بالأرض فوافق علا طلبها وراح وداها المحكمه وسجل نصف الأرض بإسمها والدور الثاني كمان لها وبعد ما أخذت الصك قالت له خلنا نروح قسم عقود الأنكحه قال لها ليش قالت له بعدين تعرف فلما وصلت قالت لشيخ هذا زوجي وأنا ماعاد أبغاه أبغى أتطلق منه ولوله عندي مهر بأعطيه إياه وصممت علا رأيها وطلقها غصب عنه وطلعت بصك طلاقها رأحت سكنت بالدور الثاني حتي أكملت عدتها وتقدم لها شخص ووافقت عليه وتزوجته وسكنته عندها ببيتها فتصورا زوجها الأول كيف يكون شعوره وهو يشوفهامع زوجها الجديد وساكنه بنفس العماره معاه أنا حصلتها القصه بجريده وكانت الزوجه هاذي بنفسها تروي القصه حقتها وأنا قريتها تقريبا قبل ثمان سنوات بس متأثره فيها وماقدرت أنساها إن شاءالله إني توفقت
في طرحها قولوا حلوه وإلا تراني بقول لكم قصة سباق الأرنب والسلحفاه والبلبل المغرد واليمامه والصياد وأختمها بالأسد والثور الأبيض وسلامتكم يالحاضرين أستودعكم الله الذي لاتضيع ودائعه.