حبيبتي همس ... الله يفرج همكم يالغاليه ويشفي عمك ويقومه بالسلامه يارب

انا حاسه فيك يالغاليه ... شفت والدي تعبان امام عيني وما كان معي لا زوج ولا اهل ولا ام ولا احد ... اخوان صغار

اروح البيت اطمن عليهم وارجع اجلس عند ابوي الله يرحمه ..

والوضع عندكم مو بسيط ابدا ... لكن تذكري ان الله احب وارحم منكم على عمك ..فالبكاء والضعف لن يفيدكم في شيء ...

حالة زوجك بإيدك تغيرينها طبعا بعد التوكل على الله .. حتى لو بس تخففين عنه ..

اذا تبين عبارات تقولينها لزوجك بكتب لك بعضها :

(( الله رحيم بعباده وما يكتب الا الخير ... ان شاء الله بالعلاج يتشافى ويقوم لنا بالسلامه .. لازم تتماسك حبيبي
فأهلك محتاجين لوقفتك معاهم ونحن بعد )) يعني خليه يتفاءل بالخير
-------------------------------------
(( احس ان بكاءنا وضعفنا كأن اعتراض لقضاء وأمر الله ... فهو يرانا ويرى ضعفنا وبكاءنا .. شو رايك يالغالي نتمالك نفسنا
ونوقف البكاء ونقوي نفسنا ونبدأ بتوزيع الصدقات بنية شفاء الوالد .. فالمؤمن لازم يكون قوي وراضِ ))
-------------------------------------
(( اذا شفتيه راجع البيت حزين ومرهق .. استقبليه وقولي له لو مجامله : ما شاء الله حبيبي وجهك اليوم احسن شوي
من البارح .. الله يزيدك قوة ورضا وخير يارب )) لا تبينين له تعاطفك معاه بمبالغه ..
-------------------------------------
يعني اكثري من الكلام اللي يشجع ويقويه ... مو يضعفه ويخليه يضعف ويتشاءم ... ولا تبكين امامه ... عدم قدرتك على
التماسك هو قلقك الكبير فاحسني الظن بالله يخف القلق وبرودة الاطراف او سخونتها سببها سوء التغذيه والقلق النفسي

فإذا شفتي اطرافه باردة سخني زيت زيتون ودلكي الكفين والقدمين ... وركزي بالضغط على بطن القدم والكعبين ...
لأنها نقاط المعده والاعصاب ..وأثناء التدليك ..لا تتكلمين عن حال عمك .. حتى لو هو تكلم .. قولي له : الله بيرجعه لنا
معافى ان شاء الله ... انت ارتاح وهدي اعصابك ... وخل املك وثقتك بالله كبيره ...

بالنسبة للتغذيه ... سوي لاشياء اللي يحبها حتى لو بكمية قليله او اكثري من العصائر والشوربات والسلطات والفواكه
واتبعي معاه اسلوب الاطفال بالاكل ...ولا تبعيد ولدكم عنه رغبة منك في عدم ازعاج زوجك ...لا مثل ما شفتي مواقف
الاطفال حلوه كثيره ... مكن بهالطريقه تشوفين ابتسامته وضحكته ... ولا تنسين ابتسامتك يالغاليه صدقيني تهدي النفس

وادعي لك من كل قلبي انه يفرج همكم ..

اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه