شوفي حبيبتي ...الحين صار الزواج وما تقدرين ترجعين الزمن ... لكن من الافضل انك ما تسكتين من البدايه ...
في من الامور تقدرين تسكتين عنها وتتجاهلينها بانتظار انها تتصلح مع الوقت ... وفي من الامور لازم توقف وتتصلح في
نفس الوقت ولا يمكن تجاهلها ... ومشكلتك من النوع الثاني ...
اولا تأكدي اذا زوجك ترك الامور هذي ام مستمر في تصرفاته ...
ثانيا اذا مستمر ... قوي نفسك وحاولي تتفاهمين معاه من باب الامر بالمعروف والنهي عن المنكر وخوفيه من الله ما دام
انه مدرس تربية اسلاميه ... اما اذا ترك الاشياء هذي بعد الزواج ... فخليك معاه سانديه واجذبيه لك وحاولي تكونين
اقرب له من أي أحد .. اشغليه او شجعيه على ممارسه هواياته او شوفي شو اهتماماته وشاركيه ... تسابقوا في حفظ
القرآن الكريم ... اشغلوا وقتكم في اعمال الخير ... وان شاء الله تكون الامور طيبه ..
ونصيحه من اخت ... لا تضعفين امام المشاكل ولا تسكتين على الخطأ ابدا خاصة اذا فيها معصيه لله ... بعدها ما يفيد
التشكي والندم ... الله يفرج همك عزيزتي ويهدي زوجك ويسعدكم ويهنيكم يارب ...