أضحكتني ردود بعض الاعضاء أو العضوات ...
الي تقول تطلقى والي تقول إبدي مع واحد ثاني ...
كنه بيدك بس عليك الاختيار !!
ماكأن البيوت ... مليانه بالمطلقات ولا أحد ملتفت لهم !!
الحين مو زي أول البنات كثيررررررررررررررر والخيارات عند الشباب كثيرررررة
وصدقيني لو تطلقتي مافيه شي ينضمن ابدا حتى صديقاتك او قريباتك اذا شكيتي بعض الامور لهم
وقالو لك تطلقي احسن وحنا نزوجك سيد سيده ...صدقيني كله كلام .. ومايعتمد عليه ...
والاهم هل تضمني ان زوجك الجديد مايكون سيء وتطلقي مرة ثانية وساعتها تكون النهاية ..
صدقيني اذا بدأتي في مناقشة هالامور مع نفسك أو مع اهلك او صديقاتك اعرفي انك مسكتي طريق مظلم ..
اهم شي تبحثين عن حل حالي للمشكلة ...بدون خساير ... اتوقع فكرتي وصلت .. ولاتنسين ان اكبر عيوب الانترنت ان كل يكتب من خلفيته وثقافته وبيئته وتربيته ... يعني الي حاقد على الحريم والي فاجر أو فاجره ويعين على الفساد أو العكس ... الي اسلوبة متخلف ولايعرف يكتب كلمتين على بعض ناهيك انه يعطي رأية في مسائل حساسه ... اذا انه متغبي ورا لوحة هالمفاتيح وش يضره !!
بس تعالي قولي اكتب باسمك الرباعي الصريح تشوفين تغير الكلام يمكن مايكتب اصلا 
.....
لاتصيرين كلمة توديك وكلمة تجيبك .. خليك راكزة واعتمدي على الاستخارة والدعاء مع التفكير العميق من جميع الجوانب ولاتغفلي الاراء التي ترتاحين لها هنا ...
والله يفرج كربتك .... وياليت تردين على كلامنا عشان نعرف اننا نكتب وانتي متابعة ومهتمه ... وقلوبنا معك الله يفرج كربتك ...
التعديل الأخير تم بواسطة ماريا ; 21-10-2010 الساعة 09:44 PM