المشاركة الأصلية كتبت بواسطة cute poison

طيب يا اختي بما انك رجعتي دحين وهو وعدك بالتغيير .. حاولي جوات نفسك انتي كمان تقولي انو ان شالله حيتغير ..

وبعدها اجلسي معاه جلسة مصارحة .. وقوليلو اسمعني لين ما اخلص من كلامي وبعدها نتفاهم .. ويسير قولي كل اللي فجواتك .. وكل شروطك وكل اللي تبغيه منو .. باسلوب يعني يدل انو انتي متأملة خير فيه وتبغي السعادة ليكم الاتنين ..
وانو السعادة ما حتجي لو واحد فينا بس اللي بيدور عليها .. لازم الاتنين نساعد بعض

كلميه وصارحيه .. وبعدها كملي معاه وشوفي .. لو اتغير واتعدل ان شاء الله يسير هوا دا المطلوب ..

ولو ما سار اللي تبغيه .. وقتها انتي معاكي حجة قوية واهلك داعمينك كمان يعني .. تقدري تسوي اللي تبغيه ..

حاولي تجسي النبض بينكم .. وحاولي تتناسي اللي راح وتفكري قدام ..

صح حيكون صعب .. بس خلي في بالك .. انو احنا لازم نواجه المواقف الصعبة اللي ان شالله بعدها يتعدل كل شي .. مو نتجنبها ..

وان شالله امرك خير يا اختي .. استمري بالدعاء والاستغفار .. وربنا يهديلك زوجك ويرجعو ليكي

الله يوفقكم يا رب