كما تدين تدان

والكأس اللي نشربه غيرنا مصيرنا يوم نشربه

مثل ما خان زوجته..راح يخونك انتي

ماشاء الله بيترك زوجته وقال لك انه مايحبها ويبي انتي

وهو ماشاء الله بسم الله عليه حتى ما شافك ولا درى عن هوا دارك

اجزم لك بالعشره انه ما راح يتقدم...هو بس يتسلى

دامه متزوج اتركيه لله في الله عشان زوجته .. مسكينه والله هي اللي تنرحم..هالرجال ذيابه

اعرف وحده كانت بالجامعه

حبت واحد..بالجوال طبعا...قال لها بخطبك..ومن هالكلام الغبي
وهي يااالله ...
مع الخيل ياشقرا.

قال لها بخطبك..وصرح لها انه متزوج لكن مو مرتاح مع زوجته ويبيها هي..
والبنات بالقاعه ينصحونها لكن ياااابسه بقرارها
ويقولون لها حرام عليك الرجال متزوج وش ذنب زوجته
تقول لا هو يحبني مره هو غير ( هو غير ) ( كل البنات يقولونها )

المهم بعد 6 شهور يسألونها البنات ها تقدم لك

تقول لااا لسـا...وقاموا ينصحونها وكذا


بعد تقريبا 5 شهور او 4 تقريبا..

غابت البنت شهر كامل..نتصل بجوالها مغلق والبيت مااحد يرد
انتهى السمستر وبدت الدراسه وغابت اول يومين وجات عقبها انسانه ثانيه
كأن عمرها 70 سنه مو ذيك الانسانه الضحوكه الصغيره الشامخه

وش سوى اللي ماينتسمى

لا تزوجها ولا شي
اتصل على اهلها قال ربو بنتكم اللي تبي تخرب بيتي

ليش
لأنه زوجته اكتشفته وهو يكلم..وشافت المسجات والوعود
وطلبت الطلاق...وارسلت للبنت دعاوي يهتز لها الجماد
وهو انهبل طار عقله من مكانه.... عشان زوجته خذت عياله وعلى بيت اهلها طالبه الطلاق
وفعلا طلقها تحت ضغط من اخوانها...عافوووه الخاين

والحين مسكينه البنت معها ورم حميد الحمدلله وتم استأصاله ..


عشان كذا يا حبيبتي ابعدي عن هالامور خاصة ان متزوج لا تهدمين حياته

تحصلين زوجته مسكينه مو مقصره معه وقايمه به قوم
ولكن بعض الرجال مايعجبهم العجب...

حسبي الله ونعم الوكيل


انا عني لو متزوجه واعرف بس ان وحده تبي تاخذ زوجي مني
ادعي عليها الله يرد كيدها في نحرها


بكره تتزوجين وتحسين بغيرة الزوجه يالغاليه

ويمكن كلامي قاسي لكنا نبي مصلحتك