غريبه أنا أعرف إن العروس تطلب دايما زيارة أهلها بأول حياتها الزوجيه والعريس تلقاه دايم ملزق بلبيت عندها ماوده يطلع من عندها أبد بس إنت العكس يمكن الحرمه تتوحم باأول شهر عليك بس ماتدري روح حلل لها لأنه بعض الحريم تتوحم علا زوجهاياحب له يا إنها ماتطيقه فالظاهر أنت محظوظ
وبعدين ياأخي هاذي تحبك وتموت عليك وأكيد إنهابتغير عليك خصوصا باقي توكم بأول الزواج والله إنها مجرد مايجي أول مولود لكم غير تتبدل مئه وثمانين درجه فصبرا ونلقاك بعد سنه منزل لنا موضوع أريد حلا إن طفلي لايترك لي فرصه مع والدته دائما مشغوله معاه واحد عندنا تزوج وترك زوجته عند أهلها وكان دايم يجي لها زياره لأنه بمنطقه ثانيه وظروفه ماتساعده يفتح بيت فكان يجي الإجازه شهر ويحط عليهامثلها وأحيانا أسبوع فمقر عمله نصحه وأنذره بسبب غيابه المتكرروآخر شئ فصل غياب من عمله بسبب زيادة غياباته فأنت سوي معها جدول بأيام خميس وجمعه وخصص لك يوم أنت حر فيه تروح وين ماتبغى مع أصدقائك وخلها عند أهلها حتى هيه ماتحس بلملل بعدين إذا كان أصدقائك متزوجين ليه ماتخليها تتعرف عليهم وتختلط فيهم إعزمهم عندك خلهم يجيبوا حريمهم تتعرف عليهم زوجتك وبكذا أنت تروح عند أصدقائك وهيه عند صديقاتها ويادارمادخلك شروحاول إنك تفهمها إنك بحاجه لتغير جو مع أصحابك وسع صدرك أخوي وإحمد ربك تراها تحبك وماتزاعلك علا طلعاتك إلا وهي متعلقه فيك وممكن تكون من النوع إللي تخاف علازوجها لأن فيه بعض الحريم تجيهم هواجس وخوف علا أزواجهم بشكل غير طبيعي الله يوفقك في حياتك الزوجيه ويسعدك إن شاء الله .