يا جمااااااااااااااااااااااااااااااااعه اسمعونى كويس
النهارده جايه احكيلكو حكايتى
و اعرفو ان رحمة ربنا قريييييييييييييييييييييب
بصو بأه
و من زمان و انا عايزه احكيلكو حكايتى
لما كنت معاكو لو تفتكرو ربنا رزقنى بتوأم طبيعى و ماتو فى الشهر التانى من الحمل
الحمد لله على كل حاااااااااااااااال و كل اللى يجيبو ربنا خير
المهم
قلت لدكتورتى انا نفسى اجيب توأم اوى ادعيلى ان ربنا يعوضنى
قالتلى انتى نفسك تانى فى توأم ؟؟؟؟؟؟؟؟؟؟؟؟؟؟؟؟؟؟؟؟؟؟
قلتلها طبعا و انى متاخره كمان ف الحمل
المهم
كتبتلى على منشطات
الكلام ده من حوالى سنتين و نص تقريبا
المهم
طلعت العمره و دعيييييييييييييييييييييييييييييييييييييييت دعا
كنت بتقطع فى كل دعوه من العياط و التضرع و اللهفه
ورجعت اخدت بالأسباب و اخدت المنشطات
و حملللللللللللللللللللللللللت بفضل الله
و كاااااااااااااااااااااااااااانت المفاجأه اللى ما تخطرش على بال
الا و هى ................................
انى حملت فى
3 توائم
بفضل الله و بفضل الدعاء و العمره
و تعبت جدا جدا جدا فى الحمل بالذات فى الشهور الاولى
اتحجزت فى المستشفى اسبوعين و العنايه المركزه
و كنت بين الحياه و الموت
المهم الحمد لله عدت شهور الحمل
وولدت قيصرى فى اول الشهر التاسع
لكن طبعا الانسان لازم ربنا يبتليه ليشكر او ليكفر
المهم بعد ماولدت تعبت جدااااااااااااااا بعد ماخرجت من اوضة العمليات ضغطى على 220 و جالى ارتشاح على الرئه و دخلت فى غيبوبه
و اتنقلت بعربية اسعاف لمستشفى تانيه و اتحجزت فى الرعايه المركزه 3 ايام و يوم فى المستشفى
و طبعا معرفش حاجه عن اولادى و ده كان اول ابتلاء
تانى ابتلاء
ان اولادى اتحجزو فى الحضانات لصغر حجمهم و جالهم مشاكل فى التنفس
اعدو حوالى شهرين فى الحضانات و انا محرومه منهم و من حضنهم اللى انتظرتو سنين
المهم انا رزقت ببنتين و وولد و الله الحمد
لكن بردو ارادة الله فوق كل شىء
و ابتليت الابتلاء التالت و الاقوى
اللهم اجرنى فى مصيبتى و اخلف لى خيرا منها
الا و هو ..........
وفاة بنتى فى الحضانه و كان عندها شهرين
اللهم يرحمها
ماتت حبيبتى من غير ما خدها فى حضنى و تسمع دقات قلبى
ماتت من غير ما تشم نفسى و تستمتع بحنانى
اول حضن حضنتهولها بكفنها الابيض الجميييييييييل
بوستها وودعتها
الله يرحمها و يجعلها ذخرا لينا
ورابع ابتلاء و الحمد لله
ابنى ولد بثقب فى القلب و بنتى التانيه عدم اكتمال الشبكيه
الحمد لله على كل حال
لكن رحمة ربنا قرييييييييييييييييييييييييييييييييب
بفضل الله و بفضل الدعاء و الصدقه ابنى شفاه الله و الثقب قفل من نفسه و بنتى شفيت و اكتملت شبكيتها
بالصبر و الدعاء و الحمد و الشكر و الرضا
ربنا مابيخزلش حد و لا بيرد دعوة مضطر
و دلوقتى عندى حمزه و دانيه مطلللللللللللللللللللللللللللللللللللللللللللللللل لللللللللللللللعين عينى
بمشى اكلم نفسى فى الشارع
جالى زهايمر و كل الامراض النفسيه و العصبيه مع التهاب فى المفاصل ههههههههههههههههههههه
عندهم ماشاء الله و لا قوة الا بالله اللهم بارك سنه و 4 شهور
حبيت احكيلكو قصتى على روقان قبل ما يصحو
ووصلكو ان اد ايه ربنا كرييييييييييييم و مستجيب للدعاء
و ان احنا لازم نصبر و نرضى و نشكر
و لا زم نعرف ان مع الحرمان فيه عطاء و مع العسر يسر و مع النعمه بلاء
حبيت احكى قصتى عشان اللى محبطه و يائسه و عندها فتور و الحزن مالى قلبها
تجدد نيتها و تصلح علاقتها بالله و تتوب عن المعاصى و تفتح صفحه جديده مع الله
كلها توبه و استغفار و دعاء و تفاؤل و حب و اقبال على الحياه بنظره تانيه
بحبكو فى الله من كلللللللللللللل كلللللللللللللللل كللللللللللللللللللل قلبى