السلام عليكم ورحمة الله
اولا اشكر الجميع اخوه واخوات على التفاعل والمشاركه الوجدانيه
ثانيا انا لست حديثة عهد في الزواج انا بكمل سبع سنوات مع زوجي وخلال السبع سنوات
ما مدحني ولا مره ولا حتى يعرف اش ردة فعلي لو مدحني
وياليت على كذا وبس بالعكس هو يحاول جاهدا تحطيمي وزعزعة ثقتي بنفسي بكل شي
انا ما كنت حابه اقول عنه مثل هالاشياء لأني احبه برغم كل ما يصدر منه لأني اعرف دوافعه
ودايما امدحه واشكره وادعيله بس ما فيه شي يرضيه صار لي فتره بديت اتمسح بس دوافعي الانثويه
تحرضني احيانا وحنيني الى الحب وامس لما كتبت كنت توني متابعه مسلسل ذاكرة الجسد وبكاني لأني اشتقت
لكلمه حلوه كنت اتمنى زوج مو بس يقول لي كلام حلو كنت اتمنى واحد يغوص في مفردات اللغه العربيه
ويصطاد من دررها ويهديني والحين ابي ابسط كلمه اللي على جال البحر اي حاجه
هو يظن ان اي شخص تمدحه تخربه يعني ممكن يشوف نفسه او يتجه اتجاه خاطئ ما يعرف التشجيع ابدا
لان اي انثى طبيعيه تحب المدح والثناء والتقدير مو كل يوم لو كل ثلاث سنوات مره عشان تقدر تواصل المسير